21:05 / 12-07-2024
AFFA yeni qərarlar verib
Milli Məclisin iclası başlayıb, gündəliyə yeni seçkilər məsələsi daxil edilib - (Yenilənib)
Tarix: 21-06-2024 12:01 | Bölmə: Slayd
Milli Məclisin iclası başlayıb, gündəliyə yeni seçkilər məsələsi daxil edilib - (Yenilənib)

Milli Məclisin növbədənkənar sessiyası çərçivəsində növbəti iclası başlayıb.

Reyting.az
xəbər verir ki, iclasın gündəliyinə 12 məsələ daxil edilsə də, gündəlikdə dəyişiklik olub.

İclasın gündəliyinə Milli Məclisə növbədənkənar seçkilərin təyin edilməsi üçün Azərbaycan Respublikası Prezidentinə müraciət edilməsi haqqında məsələ də əlavə olunub.

Beləliklə, parlamentin plenar iclasının gündəliyinə daxil olan məsələlərin sayı 13-ə çatıb.

Qeyd edək ki, iyunun 20-də Yeni Azərbaycan Partiyasının (YAP) İdarə Heyətinin iclasında YAP-ı Milli Məclisdə təmsil edən deputatlara altıncı çağırış Milli Məclisin buraxılması və növbədənkənar seçkilərin təyin edilməsi barədə Azərbaycan Respublikasının Prezidentinə müraciət olunması üçün təşəbbüs göstərmələrinin tövsiyə edilməsi barədə yekdil qərar verilib.

***

Milli Məclisə növbədənkənar seçkilərin təyin edilməsi haqqında Azərbaycan Respublikasının Prezidentinə müraciət edilməsi üçün komissiya yaradılıb.

Reyting.az
APA-ya istinadla xəbər verir ki, bunu Milli Məclisin bu gün keçirilən iclasında parlamentin sədri Sahibə Qafarova deyib.

Komissiyanın sədri Adil Əliyev, komissyanın üzvləri Siyavuş Novruzov, Fəzail Ağamalı, Elşən Musayev, Nigar Arpadarai, Tahir Rzayev və Eldar Quliyevdir.

***

Milli Məclisə növbədənkənar seçkilərin təyin edilməsi haqqında Azərbaycan prezidentinə göndəriləcək müraciət mətninin hazırlanması üçün yaradılan komissiya işini yekunlaşdırıb.

Reyting.az
xəbər verir ki, müraciət mətnini deputat Tahir Rzayev oxuyub.

Sonda Milli Məclis növbədənkənar seçkilərin təyin edilməsi haqqında Azərbaycan prezidentinə müraciət edilməsi barədə məsələ səsverməyə qoyularaq qəbul edilib.




Bölməyə aid digər xəbərlər
{sape_links}{sape_article}