“Qanuni oğrular” Quliyə iddia irəli sürdülər: Müharibə başlayırmı?
Tarix: 07-05-2019 10:17 | Bölmə: Slayd
“Qanuni oğrular” Quliyə iddia irəli sürdülər:  Müharibə başlayırmı?

“Qanuni oğru” Nadir Səlifov (Quli) yaxınlarda öz rəqibləri ilə münasibətlərini aydınlaşdırmalı olub.

Reyting.az xarici mətbuata istinadla xəbər verir ki, söhbət Qulinin köhnə düşmənləri – Rafiq Eyvazov (Rafiq Masallinski), Cavid Məmmədov (Dato Ağcabədili), Emin Əhmədov (Emin Hacıqabullu), Ceyhun Əskərov (Ceyhun Gəncəli), Zaur Şipilov (zaur Naxçıvanlı), eləcə də uzunmüddətli cəza çəkən və həbsxanadan qarşıdurmada qiyabi iştirak edən Əli Heydərovdan (Albert Rıjiy) gedir.

Quli internet vasitəsilə əlaqə quran “qanunçular” əsas etirazlarını söyləyiblər – onlar hesab edirlər ki, Səlifovun xəbəri olmadan istənilən həmyerlilərinə “tac qoyulması” və statusundan məhrum edilməsi ilə bağlı vetosu əsassızdır.

Quli Azərbaycan həbsxanasında olduğu dövrdə zərərçəkənlərin ondan şəxsən soruşması mümkün olmayıb. İndi bu vaxt yetişib və onlar onunla hətta indi olduğu Dubayda görüşməyə hazırdırlar.

Hüquq-mühafizə orqanlarındakı mənbənin məlumatına görə, son zamanlar Quliyə qarşı mübarizə aparanlar onunla daha effektli mübarizə aparmaq üçün birləşiblər. Türkiyədə Yunanıstana köçən Dato Ağcabədili güclü yunan klanının təmsilçiləri, o cümlədən “qanunçular” David Sebiskveradze (dato Kutaisili), Laşa Celadze (Raça) və Zaza Ambroladze (Zaza) ilə yaxınlaşıb.

“Qanuni oğrular” Quliyə iddia irəli sürdülər:  Müharibə başlayırmı?
Albert Rıjiy

Bundan əlavə, bəzi məlumatlara görə, “müxalifətçiləri” Vaqif Süleymanov (Vaqif Diplomat), Arif Mehtiyev (Arif Sumqayıtlı), Yunus Nazarov (Yunus Yasamallı) kimi Azərbaycandan olan nüfuzlu “qanuni oğrular” da dəstəkləyirlər. Doğrudur, onlar öz mövqelərini açıq şəkildə söyləmirlər – görünən odur ki, Quli ilə açıq münaqişəyə getmək arzuları yoxdur.

Bu zaman onların maliyyə “Dayağı”nı 2016-cı ildə öldürülən “kriminal general” Rövşən Canıyev (Rövşən Lənkəranski) klanından qalanlar təşkil edir. Üstəlik, onun yaxınları hələ də belə güman edirlər ki, həmin cinayətin arxasında Nadir Səlifov dura bilərdi.

Onların hər birinin Qulini görməməyə öz səbəbləri var. Məsələn, o, Emin Hacıqabullunu Kardava-Mzarelua meqrel klanının üzvlərinin “taclandırması”ndan bir neçə ay sonra “taxtdan salıb”. Əhmədova “oğru” titulunun qaytarılmasına sonradan “qanuni oğrular” Piçuqa və Vaja Tbilisili kömək ediblər, ancaq 6 ay sonra onun statusu Krasnoyarsk həbsxanasında “qanunçular” - Saşa Şamaz, Levan Qalski, Koba Krasnodarlı və Yura Lazarevski təsdiqləməyiblər.

Rafiq Masallılını 2016-cı ilin axırlarında təkcə tituldan məhrum etməyiblər, həm də möhkəm döyərək Qulinin göstərişi ilə qulağını kəsiblər. O, buna görə artıq qisasına başlayıb – 2017-ci ilin aprel ayında onun adamları Sankt-Peterburqda həmin qanlı divanda iştirak edən Cabir Həsənovu öldürüblər. Bir ay sonra Odessada Qulinin iki etibarı adamına – İlham Hacıyevə və Oqtay Arxalıya sui-qəsd edilib. Sentyabr ayının əvəllində isə Tbilisidə Massalılını incidənlərdən daha biri Elşən Məmmədov qətlə yetirilib.

2017-ci ilin noyabrında isə Rövşən Lənkəranskinin tərəfdarı Əli Heydərovun (Albert Rıjiy) işi yaxşı getmir – Quli onu “oğru” titulundan məhrum edib. Buna səbəb Türkiyədə Heydərov və Qulinin yaxınlarının çəkişməsi baş verəndə, o dava meydanından sadəcə qaçmayıb, həm də onu təqib edən rəqiblərindən polis maşınında gizlənib. Bu hərəkəti Qulidən başqa digər “qanuni oğrular” da pisləyiblər, Albert Rıjiyin “ifşa edilməsinə” mane olmayıblar.

“Qanuni oğrular” Quliyə iddia irəli sürdülər:  Müharibə başlayırmı?
Rafiq Masallılı

Hazırda hücum Qulinin Rusiyadakı aktivlərinə başlayıb. Azərbaycanlı “qanuni oğrular”ın bu qruplaşmasının nəzarəti altında olan bazarlarda Səlifovun və onun adamları ilə əməkdaşlıq edən ticarətçilərin normal işinə hər cür mane olmağa başlayıblar. Bu həm də daha iri biznesmenlərə də aiddir. Hamısına birbaşa deyirlər ki, vəziyyət onlar üçün Qulinin himayəçiliyindən imtina edib “oğru” “müxalifətin” himayəçiliyinə keçəndən sonra yaxşılaşa bilər.

“Müxalifətçilər” özləri Quliyə əsaslandırmağa hazırdırlar ki, o, ümumiyyətlə, nəyə görə “ailədə” qalmağalayiq deyil. Qarşılıqlı təhqirlər və təhdidlərdən sonra söhbət bitib. Ancaq hüquq-mühafizə orqanlarındakı mənbənin fikrincə, bu münaqişə başa çatmayacaq və tərəflər tezliklə həlledici hərəkətə keçə bilərlər.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}