16:25 / 15-09-2019
Sabiq deputat vəfat etdi
14:02 / 15-09-2019
Xalqı çaşdıran yalanlar
Rusiya öz ərazisində Azərbaycana qarşı erməni təxribatlarına laqeyd yanaşır
Tarix: 15-08-2019 15:02 | Bölmə: Slayd
Rusiya öz ərazisində Azərbaycana qarşı erməni təxribatlarına laqeyd yanaşır

Dünən Azərbaycan Rusiyaya nota verib. Bu barədə Azərbaycanın Rusiyadakı səfirliyindən bildirilib.

Məlumata görə, bu ilin 9 avqust tarixindən Rusiyanın Pyatiqorsk şəhərində “Maşuk-2019” Şimali Qafqaz Gənclər Forumu öz işinə başlayıb. Forum çərçivəsində Ermənistanın Rusiyadakı səfirinin tədbir iştirakçıları ilə keçirilən görüşü zamanı o, Azərbaycana, ölkəmizin suverenliyinə və ərazi bütövlüyünə qarşı yolverilməz fikirlər səsləndirib. Bu isə Forumda iştirak edən “Gənclərin Bakı Klubu” İctimai Birliyinin sədri Sabir Rüstəmovun haqlı etirazına səbəb olub və xoşagəlməz insident baş verib .

Bununla bağlı Sabir Rüstəmov Azərbaycanın Rusiyadakı səfirliyinə müraciət ünvanlayaraq hadisənin mahiyyətini açıqlayıb və səfirlikdən dəstək istəyib. Məsələnin ciddiliyini, Azərbaycan ictimaiyyətində doğurduğu əks-sədanı nəzərə alaraq, səfirlik Rusiyanın Xarici İşlər Nazirliyinə nota ünvanlayıb. Bundan əlavə, Rusiyadakı səfirimiz Polad Bülbüloğlu, daha öncə əldə olunmuş razılığa baxmayaraq, Pyatiqorsk şəhərinə səfərdən, yuxarıda qeyd olunan Forumda iştirakdan və planlaşdırılmış görüşlərdən imtina edib.

ADP sədrinin müavini Həsrət Rüstəmov Reyting.az-a açıqlamasında bildirib ki, Azərbaycana qarşı oxşar hadisələr Rusiyada dəfələrlə baş verib. Onun qənaətincə, heç kimə sirr deyil ki, ermənilər özlərini Rusiyada öz ölkələrindəki kimi hiss edir və çox zaman Rusiyanın Qafqazda onlardan imperiya maraqları üçün istifadə etməsinin əvəzində böyük həvəslə bu ölkədən sui-istifadə etməyə səy göstərirlər:

"Son zamanlar Rusiyadakı ermənilər, hətta Ermənistan hakimiyyətinin özü də Qafqazda düşmənçiliyi dərinləşdirən addımların sayını artırmağa başlayıblar. Təbii ki, Rusiyadakı Ermənistan səfirinin də, yumuşaq desək, diplomata yaraşmayan, həyasızlıq nümunəsi sayıla biləcək açıqlaması da bu qəbildəndir. Hesab edirəm ki, Azərbaycan XİN nota ilə kifayətlənməməli, səfirin cəzalandırılma məsələsini qaldırmalı və Rusiyadan bu dövlətin ərazisində bizim ölkənin təhlükəsizliyi üçün təhdid sayıla biləcək addımların gələcəkdə təkrarlanmamasını tələb etməlidir".

Ağ Partiyanın sədr müavini, politoloq Əhəd Məmmədli isə Reyting.az-ın əməkdaşına deyib ki, Azərbaycan XİN-in Rusiyaya verdiyi nota təqdir olunmalıdır. Onun sözlərinə görə, nəhayət ki, Rusiyadan gələn həmlələrə adekvat cavablar verilir:

"Rusiyanın Stavropol vilayəti və Krasnodar diyarında ermənilər həddən artıq çoxdur. Bunu artıq ruslar da anlayır və artıq Soçi aeroportunda erməniləri işdən çıxarmağa başlayıblar”.

Ə. Məmmədli qeyd edib ki, ermənilərin növbəti həmləsinə Azərbaycan adekvat cavab verib:

“Səfirimiz də haqlı olaraq tədbirdə iştirakdan imtina elədi. İnsident Rusiya ərazisində baş veribsə, təbii, nota da bu ölkəyə verilməliydi. Tədbir təşkilatçıları hara baxırdı, niyə erməni həyassızlığının, özbaşınalığının, tərbiyəsizliyinin qarşısını almadılar?

Bakı klubunun rəhbəri erməni qadınların və kişilərin hücumuna məruz qaldı, təhlükəsizliyini qorumaq üçün oranı tərk etməyə məcbur oldu. Rusiyanın siyasət, iqtisadiyyat, dövlət və özəl sektorunda, media, idman, incəsənət sahəsində ermənilər rəhbər vəzifələrdədir. Bu ölkədə ermənilər özlərini Ermənistandan daha yaxşı hiss edirlər”.

Ə. Məmmədlinin fikrincə, Rusiya Federasiyası Osmanlı Türkiyəsinin səhvlərini təkrarlayır: “Vaxtı ilə Osmanlı Türkiyəsində də ermənilər yüksək vəzifələrdə təmsil olunurdular. Osmanlı-türk dövləti zəifləyən kimi ermənilər xaincəsinə arxadan zərbə vurdular. Belə görürəm, eyni aqibət rus dövlətini də gözləyir. Ruslar ermənilərə bu qədər inandıqları üçün çox peşman olacaqlar…".

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}