Bakının metro kralının Londonda böyük sərvəti var: Hüseynovun oğlu əmlak biznesi ilə məşğuldur

Xəbər lenti

23:39 / 21-11-2019

Əli Əsədov Böyük Britaniya Baş Nazirinin elçisi ilə görüşüb

23:21 / 21-11-2019

Maliyyə şöbəsinin əməkdaşına xəsarət yetiriblər - Komadadır

23:19 / 21-11-2019

Netanyahuya 3 iş üzrə ittiham irəli sürülüb - Səbəb

23:10 / 21-11-2019

Müğənni qara geyimi ilə gecənin ulduzuna çevrilib - Fotolar

22:52 / 21-11-2019

Almaniya klubu "Barış pınarı"na dəstək verən futbolçu ilə müqaviləni ləğv edib

22:50 / 21-11-2019

"Mühacir alveri"nə görə saxlanılanlar haqda sensasiyalı iddialar yayıldı

22:45 / 21-11-2019

Məşhur aktrisalar Bakıya gəlir - Fotolar

21:31 / 21-11-2019

Birinci vitse-prezident Moskvadakı Olimpiya Kompleksində olub - Fotolar

21:18 / 21-11-2019

Mehriban Əliyeva Dmitri Medvedevlə görüşüb - Fotolar

20:42 / 21-11-2019

İlham Əliyev: "Heydər Əliyev Azərbaycana gəlməsəydi, ölkə dağılacaqdı"

20:11 / 21-11-2019

Ermənistan Araz çayı ilə bağlı öhdəlik götürüb

20:09 / 21-11-2019

Prezident Daxili işlər naziri ilə görüşdə: "O təşkilatlar niyə dinc nümayişlərin qəddarcasına dağıdılmasına susurlar?"

19:24 / 21-11-2019

İlham Əliyev iki nəfərə ali rütbə verdi - Sərəncam

18:59 / 21-11-2019

Rəsmi Bakıdan Paşinyanın son çıxışına etiraz - XİN açıqlama yaydı

18:39 / 21-11-2019

Mehriban Əliyeva Putinlə görüşəcək

18:19 / 21-11-2019

Süleymanova Ombudsman vəzifəsinə namizədlərin olmasına reaksiya verdi: "Məlumatlıyam, rahat olun"

17:52 / 21-11-2019

Deputat Mahir Aslanova orden verildi - Sərəncam

17:40 / 21-11-2019

Elmira Süleymanovanın istefası təsdiqləndi - Ombudsman vəzifəsinə 3 namizəd var

17:27 / 21-11-2019

Müsavat AKM Almaniyada həbs edilən silahdaşlarını ittiham etdi - Bəyanat

17:23 / 21-11-2019

“Time” jurnalı: “Azərbaycanın tolerantlığı şou deyil” - Foto

17:18 / 21-11-2019

Milli Məclisin deputatları Moskvaya gedir

17:05 / 21-11-2019

Federasiya Şurasının sədri: "Azərbaycanda da, Ermənistanda da insanlar sülh istəyir"

16:54 / 21-11-2019

Polkovnik prezidentə müraciət etdi: Nazir və Baş Qərargah rəisinin adı korrupsiyada hallanır - Videolar

16:53 / 21-11-2019

Mərkəzi Bank dolların rəsmi məzənnəsini açıqladı

16:35 / 21-11-2019

Bakıda internet kəsiləcək - Xəbərdarlıq

16:14 / 21-11-2019

Sumqayıt şəhərinin inkişafı üçün vəsait ayrıldı - Sərəncamlar

16:14 / 21-11-2019

Prezident icra başçısı ilə bağlı sərəncam verib

16:10 / 21-11-2019

Tələbələrin zəhərlənməsi ilə bağlı cinayət işi açıldı

16:09 / 21-11-2019

Azərbaycan və Rusiya arasında əməkdaşlığa dair sənədlər imzalanacaq

15:49 / 21-11-2019

Mehriban Əliyeva Moskvada naməlum əsgərin məzarını ziyarət edib - Fotolar

Ən çox oxunanlar

16:54 / 21-11-2019

Polkovnik prezidentə müraciət etdi: Nazir və Baş Qərargah rəisinin adı korrupsiyada hallanır - Videolar

16:42 / 18-11-2019

Psixoloqların biliyinə diaqnostik qiymət veriləcək

16:11 / 20-11-2019

Ağstafada dəhşət: 5 aylıq körpə yoxsulluq səbəbindən donaraq öldü

12:49 / 18-11-2019

İranda artan gərginliyin Azərbaycana ciddi təsirləri olacaq - Professor

14:02 / 20-11-2019

Prezident daha iki icra başçısını vəzifədən azad etdi - Yeni təyinatlar

11:23 / 19-11-2019

ALP Dağlıq Qarabağa dair yeni təklif irəli sürdü - Foto

23:05 / 20-11-2019

Sabiq deputat: “İndiki Parlament ölkə üçün ləkədir, üz qarasıdır” - Müsahibə

20:52 / 20-11-2019

İki mindən artıq müəssisə dövlət büdcəsindən oğurluq edir - Deputat

11:24 / 18-11-2019

Rahiblər 10 mindən çox uşağa cinsi təcavüz edib

14:43 / 17-11-2019

İki türk ABŞ Konqresinə namizədliyini irəli sürüb - Foto

14:14 / 20-11-2019

Hökumət qüvvələri İranda çoxsaylı etirazçını qətlə yetirib - Fotolar

12:23 / 19-11-2019

Sabiq millət vəkili qumarxanada yaxalandı - Video

Bakının metro kralının Londonda böyük sərvəti var: Hüseynovun oğlu əmlak biznesi ilə məşğuldur - Fotolar
Tarix: 20-08-2019 00:47 | Bölmə: Slayd

Şirift ölçüsü:

Həbib Hüseynzadə Azəri-Çıraq-Günəşli yatağında qazma qurğusunda çalışır. Transmilli neft-qaz şirkətlərindən birində mühəndis kimi pis qazanmır. Amma bu qazancı ona Birləşmiş Krallıqda hazırda 4, 8 milyon funt sterlinq dəyərində aktivləri idarə edən şirkət qurmaq üçün yəqin ki yetərli sayılmazdı. Əgər atası Zaur Hüseynovun – “Bakı Metropoliteni” Qapalı Səhmdar Cəmiyyəti sədrinin dəstəyi olmasaydı.

“Baku Oxford School”da orta məktəbi 2008-ci ildə başa vuran Həbib Britaniyaya gedib. Linkedin sosial platformasında o, Şotlandiyada əlavə orta təhsil (Gordonstoun School) aldıqdan sonda Edinburq Universitetinə daxil olduğunu xronikasına yazır. 22 yaşında Heriot-Vatt Universitetini neft mühəndisi ixtisası üzrə bitirib magistr diplomu ilə Bakıya qayıdıb. Hesablamalara görə, onun bu illər ərzində təkcə təhsil müəssisələrinə ödənilməli olan xərcləri 148.200 ABŞ dolları (indiki məzənnə ilə 252.000 manat) və 112.500 funt (indiki məzənnə ilə 239.000 manat) təşkil edib. Təhsil xərclərini qarşılayan atası Zaur Hüseynov həmin illərdə “Bakıelektrikşəbəkə” ASC-nin İdarə Heyəti sədrinin birinci müavini işləyirdi. 2014-cü ilin fevralında Bakı Metropoliteninə yeni rəhbər gətiriləndən az keçmiş oğlu Həbib Britaniyada ali təhsilini tamamlayır, amma bu ölkə ilə əlaqələrini birdəfəlik kəsmir.

2014-cü ildə Həbib BP-nin Xəzər dənizində istismar etdiyi neft yatağında bir il təcrübə keçir. Dövlət Təhlükəsizlik Xidmətində bir il işləyəndən sonra yenidən BP-yə qayıdır. Elə burada işləyə-işləyə Plimut şəhərində (İngiltərə) “Pinnacle West Limited” şirkətini alır. Qısa müddətdə onu inkişaf etməkdə olan daşınmaz əmlak şirkətinə çevirir.

“Pinnacle West Limited” şirkəti iyun ayında növbəti maliyyə hesabatını açıqlayıb. Hesabata əsasən, onun daşınmaz əmlaka yatırımları bu ilin fevral ayının sonuna 3 milyon 255 min funt təşkil edir. Bundan əlavə, şirkətin 1,5 milyon funtdan çox digər aktivləri (davam edən inşaat işləri və s.) də var. Hesabatlarda bu pulların mənbəyinin bank krediti deyil, “digər borc” olduğu göstərilir. Amma borcu bu gəncə kimin və hansı şərtlərlə verdiyi hesabatda əks olunmayıb. Təkcə son bir il ərzində Həbib Hüseynzadənin şirkəti 3,5 milyon funt məbləğində ortamüddətli borc götürüb.

“Pinnacle West Limited” şirkəti tikinti ilə məşğuldur və Callington əyalətinin (İngiltərənin cənub-qərbi) kəndlərindən birində ikimərtəbəli yaşayış evi inşa edib.

Şirkəti 2016-cı ilin fevralında Azərbaycanla sıx biznes təmasları olan Morqan Filips 50 funt məbləğində kapitalla təsis edib. Həmin ilin oktyabrında şirkətə nəzarət Həbib Hüseynzadəyə keçib. “Pinnacle West Limited” şirkətinin qeydiyyat ünvanı Plimut şəhərində Houndiscombe küçəsi, 6 nömrəli evdir. Bura hüquqi yardım xidmətləri göstərən şirkətlərdən birinin baş ofisidir. Həbib Hüseynzadənin şirkətinin faktiki ünvanı isə Morqan Filipsin çoxsaylı şirkətlərindən birinə məxsus Plimutdakı Embankment küçəsindəki mülkdür. M. Filipsin “Guardian Industrial (UK) Limited” şirkəti 2016-cı ildə “Azərişıq” QSC-yə 4 647 176 manat 52 qəpik dəyərində 1 fazlı və 3 fazı elektron sayğaclar satıb. Sayğacların alınması tender yolu ilə olsa da, onların sayı ictimaiyyətə açıqlanmayıb. Bu tenderin qalibi “Guardian Industrial (UK) Limited” və onun Azərbaycandakı törəməsi olan “Abşeron Engineering” MMC ortaqlığı olub. Amma onların heç biri istehsalçı deyil. “Guardian Industrial (UK) Limited” şirkəti Azərbaycana satdığı elektrik sayğaclarını bu ölkənin “Landis+Gyr” şirkətindən tədarük etdiyini bildirir. Bu şirkət elektrik enerjisi sayğacları ilə yanaşı, təbii qaz və su sərfiyyatını ölçmə cihazlarının istehsalçısıdır.

2008-ci ilin iyul ayında Bakıda yaradılan “Abşeron Engineering” MMC-nin direktoru Morqan Filips, təsisçisi isə onun həyat yoldaşı, Rusiya vətəndaşı Mayina (Emirxanova) Filipsdir. Bu ailə Azərbaycanda biznesə 2004-cü ildə başlayıb və burada daha bir neçə şirkəti (“Guardian İndustrial Azərbaycan” MMC, “Kaspi LM” MMC, “LMP İnternational” MMC, “QBS Qafqaz Bizness Servisləri” MMC və “BBX Beynəlxalq Bizness Xidmətləri” MMC) var. “Abşeron Engineering” MMC-nin korporativ internet saytında şirkətin Azərbaycandakı digər biznes qurumları ilə bərabər, “Azərişıq” ASC və “Bakı Metropoliten” QSC ilə də əməkdaşlıq etdiyi göstərilir. Metropoliten bu şirkətdən kommersiya və layihə idarəetmə xidmətləri əldə edib. Amma dövlət satınalmaları portalında bunu təsdiq edən məlumat yoxdur.

Bakının metro kralının Londonda böyük sərvəti var: Hüseynovun oğlu əmlak biznesi ilə məşğuldur

Rusiya vətəndaşı Mayina Emirxanova və Morqan Filips (Mənbə: Meydan.tv)

Beləliklə, Britaniyada biznesini qurarkən Həbib Hüseynzadənin digərinə deyil, məhz Morqan Filipsə müraciət etməsinin səbəbləri aydın olur. Qeyd edək ki, Morqan Filips hələ də “Pinnacle West Limited” şirkətinin direktorlarından biridir və onu Həbib Hüseynzadə ilə birlikdə idarə edir.

Amma Həbib M. Filipsin biznesə dəstək verdikləri Azərbaycan vətəndaşlarının yalnız biridir. Rüfət Qasımov “Sun Property Development Limited” şirkətini, Ər Toğrul Musayev isə “RS Twenty 2 Limited” şirkətini Morqan Filipsin iştirakı ilə qurublar.

Həbib Hüseynzadənin özəl biznesdə iştirakının çevrəsi Britaniya suları ilə məhdudlaşmır, Abu Dabi (Birləşmiş Ərəb Əmirlikləri) sahillərinədək gedib çıxır. O, burada neft və qaz investisiyalarının rəqəmsal aktivlərə çevrilməsi məqsədilə yaradılan “Permian Holding SPV Ltd” şirkətinin müstəqil direktorudur. Bu şirkət Şərqi Texasda (ABŞ) kəşfiyyat və hasilatla məşğul olan bir Kanada şirkətində ümumi paya sahibdir.

Həbib həm də avtomobil həvəskarıdır. O, hər ikisi “090” nömrəsi daşıyan “Chevrolet Camry” və “Audi S7” minik avtomobillərinə sahibdir.

Bakının metro kralının Londonda böyük sərvəti var: Hüseynovun oğlu əmlak biznesi ilə məşğuldur

Həbib Hüseynzadənin avtomobili (Mənbə: Meydan.tv)

Bir çox ekspertlər dövlət qurumlarında yüksək vəzifə tutan şəxslərin ailə üzvlərinin rəsmi gəlirlərindən qat-qat artıq məbləğlərlə ifadə oluna bilən həyat tərzi keçirməsini 2005-ci ildə qüvvəyə minən “Vəzifəli şəxslər tərəfindən maliyyə xarakterli məlumatların təqdim edilməsi Qaydaları”nın təsdiq edilməsi haqqında” Qanunun işləməməsi ilə izah edirlər. Bu qanun dövlətin nəzarət səhm zərfinə sahib olduğu təsərrüfat subyektlərinin rəhbərlərinə, yəni həm də “Bakı Metropoliteni” QSC-nin İH sədrinə də şamil olunur. Qanunun işləməsini əngəlləyən Nazirlər Kabinetinin məmurların təqdim etməli olduqları bəyannamənin formasını hələ də təsdiq etməməsidir.

Konstitusiya Araşdırmaları Fondunun prezidenti Əliməmməd Nuriyev deyir ki, Azərbaycan Avropa məkanında vəzifəli şəxslərin gəlirləri bəyan edilməyən yeganə ölkədir. “Bizim QHT 2013-cü ildə beynəlxalq təcrübəni nəzərə almaqla gəlir bəyannaməsinin formasının layihəsini hazırlayıb Nazirlər Kabinetinə təqdim etdi. Oradan sənədi Vergilər Nazirliyinə göndərdilər. Nazirlik bizə cavab verdi ki, “təklifiniz nəzərə alınacaq”.

Bununla belə, Ə. Nuriyev düşünür ki, korrupsiyaya qarşı mübarizədə məmurların gəlir bəyannaməsinin mövcudluğu “bütün dərdlərin dərmanı deyil”. Yəni, bununla korrupsiyanın kökünün kəsiləcəyini demək sadəlövhlük olar, amma bu, həmin istiqamətdə əhəmiyyətli alətlərdən biridir”.

Azərbaycan Açıq Hökumət Platforması Azərbaycan Respublikasının Korrupsiyaya Qarşı Mübarizə üzrə Komissiyası ilə birgə yeni Açıq Hökumətin Təşviqinə dair 2020-2022-ci illər üzrə Milli Fəaliyyət Planı (MFP) üzərində çalışır. Planın Yol Xəritəsini vətəndaş cəmiyyəti institutları hazırlayıb. Burada ən mühüm istiqamətlərdən biri şəffaflığın təmin edilməsi, o cümlədən vəzifəli şəxslər tərəfindən gəlir bəyannaməsinin təqdim edilməsidir. Təkliflər arasında qeyd olunan qanunun müasir tələblərə uyğun olaraq yenidən işlənməsi də var. Ə. Nuriyev deyir ki, prosesə cəlb olunmuş QHT-lər bu bəyannamənin formasının qəbul edilməsi elə MFP-nin icrasının birinci ilinə tövsiyə ediblər.

“Təkliflər arasında maliyyə və əmlak amnistiyasının elan edilməsi də var. Gəlir bəyannaməsinin təqdim olunması “müəyyən proseslərin” başlanmasına təkan verə bilər. Bunu önləmək və “yeni səhifədən başlamaq” amnistiyasına ehtiyac var. Əslində 1993-cü ildə Azərbaycanda “Varidata təminat verilməsi haqqında” Konstitusiya qanunu qəbul edilib və o qüvvədədir. Sadəcə, qanunu yeni şəraitə uyğunlaşdırmağa ehtiyac var”, – ekspert deyib.

“Bakı Metropoliteni” QSC-nin İH sədri Zaur Hüseynov oğlunun biznesində iştirakı barədə ona ünvanlanmış suala cavab verməyib.

Hafiz BABALI
Meydan.tv

Ana səhifəyə dön