AŞPA prezidenti Azərbaycan hakimiyyətinə çağırış etdi
Tarix: 14-09-2019 08:40 | Bölmə: Slayd
AŞPA prezidenti Azərbaycan hakimiyyətinə çağırış etdi

Avropa Şurası Parlament Assableyasının (AŞPA) prezidenti Lilian Mori Paskye Bakı səfərinin yekunları ilə bağlı məlumat yayıb. AŞPA-nın press-relizində Avropa Şurası ilə Azərbaycan açıq və səmimi dialoqu və əməkdaşlığı genişləndirməyə çağrılır.

Reyting.az
-ın məlumatına görə, AŞPA prezidenti bildirir ki, iki günlük Bakı səfəri çərçivəsində bir sıra məsələləri, xüsusən vətəndaş cəmiyyətinin vəziyyəti və QHT-lərin işinin asanlaşdırılması, QHT və hakimiyyət arasında dialoqun möhkəmləndirilməsi yollarını müzakirə edib. Press-relizdə eyni zamanda qeyd edilir ki, AŞPA prezidenti Azərbaycanda Avropa İnsan Hüquqları Məhkəməsinin qərarlarının yerinə yetirilməsi, ədalətli mühakimənin müstəqilliyi və ədalətli mühakimə sisteminin əlçatanlığının asanlaşdırılması, Azərbaycanın İstanbul Konvensiyasına qoşulması, Nazirlər Komitəsi və AŞPA-ya üzv dövlətlər tərəfindən Avropa Şurası Nizamnaməsinin və Avropa İnsan Hüquqları Konvensiyasının ciddi pozuntularına reaksiya üzrə yeni birgə prosedurun yaradılması məsələlərini açıq və səmimi şəkildə müzakirə etmək imkanı qazanıb. AŞPA prezidenti mürəkkəb və həssas məsələlər üzrə ən yüksək səviyyədə hakimiyyətin səmimi dialoqunu yüksək qiymətləndirir.

"Görüşdə müzakirə tərəfdaşlarım açıq şəkildə bildiriblər ki, Azərbaycan Avropa Şurasına daxil olduqda Avropa İnsan Hüquqları Konvensiyası ölkənin konstitusiya sisteminin ayrılmaz hissəsinə çevrilib. Deməli, Məhkəmənin qərarları da yerinə yetirilməlidir - mən bu yanaşmanı alqışlayıram, Avropa Şurasına üzv olan bütün dövlətlər buna riayət etməlidir", - deyə Paskye qeyd edib.

"Vətəndaş cəmiyyəti nümayəndələri ilə müzakirələr xüsusilə faydalı olub. Cəmiyyətdəki bütün baxışlar spektrini azad şəkildə ifadə etməyin mümkün olması üçün hakimiyyət və vətəndaş cəmiyyəti arasında daimi dialoq mexanizminin yaradılması haqqında düşünmək istərdim. Vətəndaş cəmiyyətinin fəaliyyətini tənzimləyən daha elastik qanun buna böyük töhfə verə bilərdi.

Hüquqşünasların vəziyyəti də yaxşılaşdırılmalıdır, onların sayı açıq-aşkar yetərsizdir; ədalətli mühakimənin əlçatanlığının asanlaşdırılması hüquq müdafiəçilərinin işini də asanlaşdırar, bütün insanların və iqtisadi fəaliyyətin bütün iştirakçılarının maraqları naminə qanunun aliliyinə hörməti artırar".

Qeyd edək ki, Paskye Bakı səfəri çərçivəsində prezident, parlamentin spikeri, xarici işlər naziri, parlament üzvləri ilə görüşüb.

Reyting.az
скачать dle 10.5фильмы бесплатно




Bölməyə aid digər xəbərlər
{sape_links}{sape_article}