15:58 / 12-10-2019
Qarğış edən radikallar
Müsavatda başqan seçkiləri... ikinci tur qaçılmazdır - Səbəb
Tarix: 21-09-2019 11:32 | Bölmə: Slayd
Müsavatda başqan seçkiləri... ikinci tur qaçılmazdır

“Gələn həftənin bazar ertəsi Müsavat Partiyası başqanılığına namizədliyimi rəsmən irəli sürəcəm, bununla bağlı Qurultaya Hazırlıq üzrə Təşkilat Komitəsinə müvafiq ərizə təqdim edəcəyəm”.

Bunu Reyting.az-a açıqlamasında Müsavat Partiyası başqanlığına namizədliyini irəli sürəcəyini elan edən Yadigar Sadıqlı deyib.

Müsavatın Lənkəran təşkilatının sədi qeyd edib ki, onun namizədliyinin qeydə alınmaması ehtimalı yoxdur: “Belə bir ehtimalın olması mümkün deyil. Sabah rəsmən başqanlığa namizəd olacağam”.

Yadigar Sadıqlı bildirib ki, başqanlığa rəsmi namizəd olduqdan sonra müvafiq təklif və proqramını təbliğat kampaniyası dövründə açıqlayacaq.

Müsavatda başqan seçkiləri... ikinci tur qaçılmazdır
Y. Sadıqlı

Başqanlığa iddialı namizədlərin çoxluğunun indiki partiya rəhbərliyinə qarşı olan səslərin parçalanmasına səbəb ola biləcəyini vurğulayan Y. Sadıqlı əlavə edib ki, bu, faktiki olaraq başqan seçkilərində ikinci tur ehtimalını gücləndirir.

Müsavat Partiyasının hazırkı başqanı Arif Hacılı istisna olmaqla digər namizədlərin bir-birini dəstəkləmə ehtimalı haqqında suala cavabında Y. Sadıqlı deyib ki, şəxsən özünün namizədliyini geri götürmək niyyəti yoxdur.

Xatırladaq ki, oktyabrın 12-də Müsavat Partiyasının IX qurultayının keçirilməsi nəzərdə tutulur. Qurltayda başqanlıq uğrunda 4 namizədin mübarizə aparacağı gözlənilir. Bunlar hələlik indiki başqan Arif Hacılı, partiyanın Lənkəran təşkilatının sədri Y. Sadıqlı, Müsavat funksioneri Tofiq Yaqublu və Divan üzvü Başxanım Abbaslıdır.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}