15:58 / 12-10-2019
Qarğış edən radikallar
Texniki baxış inhisarçılığı avtoqəzaların artmasına səbəb olur - Ekspert
Tarix: 26-09-2019 12:34 | Bölmə: Slayd
Texniki baxış inhisarçılığı avtoqəzaların artmasına səbəb olur

Nəqliyyat vasitələrinin qanunla müəyyən edilmiş hallarda texniki baxışdan keçirilməsinə görə dövlət rusumu artırılır. Bu barədə "Dövlət rüsumu haqqında" Qanuna təklif edilən dəyişiklikdə qeyd olunub. Dəyişikliyə əsasən, nəqliyyat vasitələrinin qanunla müəyyən edilmiş hallarda texniki baxışdan keçirilməsinə görə dövlət rusumu 20 manatdan 30 manata qaldırılır. Layihə parlamentin sentyabrın 30-da keçiriləcək ilk plenar iclasında müzakirə olunacaq.

Reyting.az
-ın məlumatına görə, bu məsələyə münasibət bildirən iqtisadçı-ekspert Natiq Cəfərli deyib ki, yanvarın 1-dən texniki baxış rüsumu 30 manata qaldırılır, amma bütün sahələrdə olduğu kimi, bu məsələdə də hökumət işin fəlsəfəsini, məğzini anlamır. Onun fikrincə, hökumət sanki ancaq rüsum qaldırmaqla kifayətlənir və bundan başqa yol bilmir:

"Texniki baxış ölkədə çoxdan tam formal bir prosedurdur. Hökumət heç özünə sual verirmi ki, texniki nasazlığa görə baş verən qəzalar azalıbmı? Yoxsa əsas məsələ pul yığmaqdır? Niyə dövlət qurumu bu sahədə inhisarçı olmalı, hansı səbəbə görə sürücülər texniki baxış üçün ancaq bir yerə getməli, saatlarla vaxt itirməlidirlər?!”

Texniki baxış inhisarçılığı avtoqəzaların artmasına səbəb olur
N. Cəfərli

N. Cəfərli qeyd edib ki, Gürcüstanda 89 şirkət avtomobillərə texniki baxış keçirmək üçün dövlətdən lisenziya alıb, sürücü bu obyektlərin istənilən birinə gedib doğrudan da texniki baxışdan keçir: “Həm də bu proses zamanı ödəniş nəğd qəbul edilmir, ancaq xüsusi hesaba pul keçirməklə (küçələrdə olan istənilən aparatdan) texniki baxışdan keçir, növbələr olmur, maşında texniki nasazlıq olanda mütləq aradan qaldırılması tələb olunur. Beləliklə, bu prosedur sürücüyə də, biznesə də, dövlətə də lazımlı qaydada həyata keçirilir, həm də qəzaların azalmasına, biznesin inkişafına xidmət göstərir".

Ekspertin sözlərinə görə, hökumət anlamalıdır ki, texniki baxış pul yığmaq üsulu deyil, qəzaların azaldılması üçün profilaktik addımdır və bunu Daxili İşlər Nazirliyi yox, dövlətdən müvafiq lisenziya alan biznes qurumları həyata keçirməlidir: "Bu işi biznes qurumları görsələr daha diqqətli və tələbkar olarlar, texniki nasazlığa göz yummazlar, çünki təsbit edilmiş problemləri ayrıca həll edib pul qazanmaq marağı yaranacaq”.

N. Cəfərli diqqətə çatdırıb ki, Azərbaycan hökuməti hələ də insanları sovetdənqalma alışqanlıqla idarə etməyə çalışır: “Halbuki ən effektiv yol insanın özünü deyil, marağını ağılla və ədalətli idarə etməkdir".

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}