15:58 / 12-10-2019
Qarğış edən radikallar
Paşinyan ABŞ-dan Rusiyaya etibar mesajı yollayıb - Foto
Tarix: 26-09-2019 13:23 | Bölmə: Slayd
Paşinyan ABŞ-dan Rusiyaya etibar mesajı yollayıb

Ermənistan baş naziri Nikol Paşinyanın BMT Baş Assambleyasının 74-cü sessiyasında çıxışı zamanı ölkəsinin əsas strateji müttəfiqinin Rusiya olduğuna dair bəyanatı ABŞ torpağından Kremlə etibar mesajıdır.

Bu sözləri Reyting.az-a Ermənistan baş naziri Nikol Paşinyanın BMT Baş Assambleyasında çıxışını şərh edən politoloq Sülhəddin Əkbər deyib.

Sülhəddin Əkbər hesab edir ki, Paşinyanın Nyu-Yorkda belə bir bəyanat verməsi daha çox psixoloji amillə bağlıdır. Onun sözlərinə görə, Ermənistan həm Kollektiv Təhlükəsizlik Müqaviləsi Təşkilatının, həm də Avrasiya İqtisadi Birliyinin üzvüdür: “Yəni Rusiya ilə strateji tərəfdaşdır. Ermənistanla Rusiyanın birgə hərbi birliklər yaratmasının dərinə gedən strateji münasibətləri var. Ermənistanın sərhədləri, hava məkanı Rusiya tərəfindən qorunur. Yəni Ermənistanın təhlükəsizliyini Rusiya təmin edir. Bütün bunlar heç kəsə sirr deyil. Sadəcə, Paşinyanın Nyu-Yorkda, BMT-nin yüksək tribunasından bunu səslədirməsi Rusiyaya etibar mesajıdır”.

Paşinyan ABŞ-dan Rusiyaya etibar mesajı yollayıb
S. Əkbər

Paşinyanın Türkiyəni Ermənistan üçün əsas təhdid kimi göstərməsinin də geniş maraqlara xidmət etdiyini bildirən S. Əkbərin fikrincə, bu məsələdə tarixi dərinliklə yanaşı gündəlik konteks var:

“Nəzərə alın ki, hazırda ABŞ dərin dövləti ilə Türkiyə arasında gərgin münasibətlər mövcuddur. Paşinyan bu məqamdan yararlanır və əsl erməniliyini göstərməyə çalışır. Yəni ABŞ qarşısında əlavə xal qazanmaq niyyətinə düşüb.

İkincisi, söhbət ancaq ABŞ-dan getmir. Nəzərə almaq lazımdır ki, İsrail və yəhudi lobbisi ilə Türkiyənin gərginləşən münasibətlərini bilən Paşinyan belə bəyanatla çıxış edir”.

Xatırladaq ki, Ermənistanın baş naziri Nikol Paşinyan BMT Baş Assambleyasında çıxışı zamanı Rusiyanı əsas strateji tərəfdaş və müttəfiq adlandırıb. Paşinyan deyib ki, Rusiya bizim əsas strateji tərəfdaşımız və müttəfiqimizdir. Gürcüstan və İran isə bizim strateji qonşularımızdır.

N. Paşinyan Türkiyəni əsas təhdid kimi təqdim edib.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}