15:58 / 12-10-2019
Qarğış edən radikallar
Müsavat başqanı ittihamlarla razılaşmır - Foto
Tarix: 04-10-2019 13:46 | Bölmə: Slayd
Müsavat başqanı ittihamlarla razılaşmır

“Arif Hacılı seçkilərdə gənclərin də səsini almaq üçün Müsavat Partiyası başqanlığına namizəd kimi seçki platformasının əsas tezisləri arasına gənclərlə bağlı bənd artırsa da, onun bu planı işə yaramayacaq”.

Bu sözləri bir neçə gün əvvəl Reyting.az-a açıqlamasında Müsavatın Divan üzvü, partiya başqanlığına namizəd Yadigar Sadıqlı deyib.

Y. Sadıqlı iddia edir ki, hazırkı başqan A. Hacılı beş illik rəhbərliyi dönəmində gənclərin partiyada önə çıxmasına şərait yaratmayıb, onun başqanlığı müddətində Müsavat orta yaş həddinə görə Azərbaycanın ən qoca partiyasına çevrilib.

Yenidən partiyanın başqanı seçilmək istəyən Arif Hacılı isə rəqibinin səsləndirdiyi fikirlərə münasibət bildirərkən Reyting.az-a deyib ki, partiya başqanı olması üçün yaşı uyğundur: "İndi nə çox gənc deyiləm, nə də qoca. Ona görə də təfəkkürümün qocaldığını bildirirlər. Yəni, bunlar təbliğat tezisləridir. Təbii ki, Müsavat Partiyasının üzvləri bu təbliğat tezislərini əsas götürsələr, mənə səs verməyəcəklər".

Müsavat başqanı ittihamlarla razılaşmır
A. Hacılı

A. Hacılı rəqiblərinin belə iddialarını təbii sayır. Onun sözlərinə görə, Müsavatın başqanı olmaq istəyənlər onun idarəçiliyindən razı olsaydılar, namizədliklərini irəli sürməzdilər.

A. Hacılı rəqibi Y. Sadıqlının fikirlərində qeyri-adi bir şey görmür. Onun fikrincə, digər namizədlər partiyanı ondan yaxşı idarə edə biləcəkləri qənaətindədirlər ki, öz namizədliklərini irəli sürüblər:

"İdarəçilik, siyasi fəaliyyət, ümumiyyətlə, istənilən fəaliyyətin daim yaxşılaşdırılması mümkündür. Çünki fəaliyyətin, idarəçiliyin yaxşılaşdırılmasının hər hansı çərçivəsi yoxdur. Hər bir təşkilatda davamlı olaraq, idarəçilik yaxşılaşdırıla bilər, yaxşılaşdırılmalıdır ".

Qeyd edək ki, Müsavat Patiyasının növbəti qurultayı oktyabrın 12-nə planlaşdırılıb. Arif Hacılı (hazırkı başqan), Tofiq Yaqublu və Yadigar Sadıqlı partiya başqanlığına namizədliklərini irəli sürüblər.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}