15:58 / 12-10-2019
Qarğış edən radikallar
Azərbaycanın bank sistemi köklü şəkildə dəyişdirilməlidir - Əli Məsimli
Tarix: 09-10-2019 12:26 | Bölmə: Slayd
Azərbaycanın bank sistemi köklü şəkildə dəyişdirilməlidir

“Azərbaycanın bank sistemi neft bumu dövrünün sistemidir. Artıq neft bumu arxada qalıb. Bank sistemini köklü şəkildə və islahatlar əsasında dəyişdirmək lazımdır”.

Bu sözləri Reyting.az-a Milli Məclisin deputatı Əli Məsimli bank sektorundan narahatlığının səbəblərini şərh edərkən deyib.

Məsimli hesab edir ki, bank sisteminin köklü şəkildə dəyişdirilməsinin bir neçə istiqaməti ola bilər: “Təsəvvür edin ki, indi bizdə 1997-ci ilin yanacaqdoldurma məntəqələri var. Gözəlləşən Bakı və nimdaş yanacaqdoldurma məntəqələri. Reallıq budur ki, hazırda ölkəmizdə vizual baxımdan nimdaş yanacaqdoldurma məntəqələri yoxdur, inkişaf edən dövlətlərdə olduğu kimi müasir məntəqələr var. Və ya düşünün ki, Bakının taksi parkında ancaq “QAZ 24” model taksilər fəaliyyət göstərir. Yəni gözəlləşən Bakıda belə taksilərin olması necə görünərdi? Bunu ona görə misal çəkirəm ki, bizim bank sistemi də təxminən belədir. Bunu yeniləşdirmək üçün sistem yaradan banklar, innovasiyalı inkişaf bankı və aqrar sənaye bankından ibarət alternativ variant ortaya qoymaq mümkündür. Burada faiz dərəcələri də əlçatan olar. Bankların real sektorla əlaqəsi daha güclü olar, indiki sistem kimi, banklarımız sadəcə, istehlak kreditləri verməklə başlarını girləməzlər. Əksinə, iqtisadiyyatın inkişafına təkan verən sistemə çevrilə bilərlər. Digər banklar bu prosesdə fəal iştirak edib yüksək səviyyəyə qalxacaqsa, bu sistemə qoşula bilər. Bu səviyyəyə çata bilməyən banklar isə məsləhətləşib bu koalisiyaya yaxınlaşarlar. Beləcə, Azərbaycanda indi yaşadığımız və aparılan islahatların tələbinə uyğun bank sistemi yaranar. Köhnə bank sistemi ilə indi apardığımız islahatları həyata keçirib orada arzuladığımız nəticələri əldə etmək çox çətindir”.

Azərbaycanın bank sistemi köklü şəkildə dəyişdirilməlidir
Əli Məsimli

Əli Məsimli xatırladıb ki, Azərbaycanda müəyyən bankların resursları var və onlar böhran dövründə az itkilərə məruz qalaraq duruş gətirə biliblər: “Müəyyən banklar orta səviyyədədirlər. Elə banklar da var ki, bir müddətdən sonra islahatların təsiri ilə ya birləşməlidir, ya da sıradan çıxacaqlar. Bu da bazar iqtisadiyyatının qanunauyğunluğudur və qeyri-adi bir proses deyil”.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}