Yaqub Məmmədov: “Ya Ərdoğanın Suriyada apardığı əməliyyata bənzər əməliyyat keçirməliyik, ya da...”
Tarix: 15-10-2019 15:41 | Bölmə: Slayd
Yaqub Məmmədov: “Ya Ərdoğanın Suriyada apardığı əməliyyata bənzər əməliyyat keçirməliyik, ya da...”

“Həmsədrlər az qala 30 ildir ki, bölgəyə səfər edir, tərəflərlə görüşüb müzakirələr aparır və yenidən evlərinə qayıdırlar. Amma bu müddətdə apardıqları işin bir nəticəsi olmayıb. Odur ki, həmsədrlərin regiona budəfəki səfərindən uğurlu bir nəticə gözləmirəm”.

Bunu Reyting.az-a ATƏT-in Minsk qrupu həmsədrlərinin regiona başlayan səfərini şərh edən Milli Məclisin sabiq sədri, bir müddət prezident səlahiyyətlərini icra etmiş Yaqub Məmmədov deyib.

Onun sözlərinə görə, Qarabağ münaqişəsinin həllinə marağı olan güc mərkəzləri arasında konsensus əldə edilməli və məsələ öz həllini tapmalıdır.

Yaqub Məmmədov əlavə edib ki, münaqişənin taleyi ilə bağlı iki variant görür: “Ya biz Ərdoğanın indi Suriyada apardığı əməliyyata bənzər əməliyyat keçirib ermənilərlə məsələmizi həll etməli, ermənilərin arxasında duran qüvvələrə öz qətiyyətimizi göstərməliyik, ya da münaqişə uzana-uzana gedəcək”.

Professor həmsədrləri nəzərdə tutaraq onlara sual da ünvanlayıb:

“Axı regiona nə qədər gəlib-getmək olar?

Normalda bu səfərlərin və vasitəçilik missiyasının bir nəticəsi olmalıdır. Görün, indiyə qədər Minsk qrupu daxilində neçə vasitəçi bir-birini əvəz edib. Amma ortada nəticə yoxdur. Bu barədə düşünmək lazımdır. Mən onların regiona səfərindən heç nə gözləmirəm”.

Xatırladaq ki, ATƏT-in Minsk qrupunun həmsədləri regiona səfərləri çərçivəsində dünən Ermənistana gediblər. Vasitəçilər Yerevan təmaslarından sonra işğal altındakı Qarabağa səfər edəcək və sonra Azərbaycana gələcəklər.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}