Müxalifət Cəmil Həsənlinin mitinqin təxirə salınması ilə bağlı təklifini dəstəkləyir
Tarix: 31-10-2019 16:28 | Bölmə: Slayd
Müxalifət Cəmil Həsənlinin mitinqin təxirə salınması ilə bağlı təklifini dəstəkləyir

Milli Şuranın sədri Cəmil Həsənli 2 noyabr mitinqini təxirə salmağı təklif edib. Təşkilatçılar hələlik təklifə reaksiya verməsələr də, bəzi müxalifət fəalları bu təklifi müsbət qiymətləndiriblər.

Bu barədə fikirlərini Reyting.az-la bölüşən Müsavat Partiyasının fəalı Yadigar Sadıqlı Cəmil Həsənlinin təklifini müsbət qarşılayıb. Onun fikrincə, bu, doğru addımdır:

"Ümumiyyətlə, mitinqin belə erkən vaxta təyin olunması tələsik və o qədər də uğurlu olmayan addım idi. Əgər yaxın perspektivdə hakimiyyəti devirmək ehtimalı yoxdursa, tez-tez qarşıdurmalara getmək rasional deyil.

19 oktyabr mitinqi uğurlu alındı, bir müddət onun verdiyi üstünlüklərdən istifadə etmək lazımdır. Xüsusən də işgəncələr əleyhinə ciddi kampaniyaya başlamaq zəruridir. Təəssüf ki, bu kampaniya arzuolunan səviyyədə deyil”.

Y. Sadıqlının sözlərinə görə, onun irəli sürdüyü təkliflərdən istifadə olunmayıb:

“Bir şeyi anlamaq lazımdır ki, Əliyev hakimiyyətinin xeyli dostları var, avtoritarizmə, seçkilərin saxtalaşdırmasına min bir bəhanə ilə haqq qazandırırlar. Amma işgəncələrə heç kim və heç bir əsasla haqq qazandırmağa risk etməz. Bundan maksimum yararlanmaq lazımdır".

Xatırladaq ki, Bakı Şəhər İcra Hakimiyyəti Milli Şuranın mitinqi ilə bağlı müraciətinə baxıb və mitinqin noyabrın 2-si saat 15:00-dan 17:00-dək Lökbatan qəsəbəsi, 28 May küçəsi, "Neftçi İdman Klubu"nun Qaradağ təlim-idman bazasında keçirilməsinə razılıq verilib.

Lakin AXCP sədri Əli Kərimli aksiyanın razılaşdırılmamış şəkildə Nəsimi rayonu, metronun “28 May” stansiyasının yaxınlığında keçiriləcəyini bildirib. Bundan sonra DİN və Baş Prokurorluq 2 noyabra planlaşdırılan icazəsiz aksiyanın təşkilatçılarına xəbərdarlıq edib.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}