Avtoritetlərin “Qara Merkuri”si: rəisi güllələmək sifarişi alana və digərlərinə qarşı istintaq başlayıb - Fotolar
Tarix: 04-11-2019 12:06 | Bölmə: Slayd
Avtoritetlərin “Qara Merkuri”si: rəisi güllələmək sifarişi alana və digərlərinə qarşı istintaq başlayıb

Türkiyədə kriminal avtoritetlərin və mafiya dünyasının bir sıra liderlərinin saxlanıldığı Koceli Kandıra F həbsxanasının rəisi Həsən Qaraqurdun sui-qəsd nəticəsində öldürülməsinə dair 7 nəfər haqqında ittihamnamə hazırlanıb. Bu ittihamnamədə kriminal aləm üzvlərinin nələrə qadir olduğu ortaya çıxır.

Reyting.az
xəbər verir ki, ötən ilin dekabr ayında digərlərinə qarşı sui-qəsd planlaşdıran şəxslərin “Qara Merkuri” adlandırdığı əməliyyatda killer kimi 18 yaşlı S.C-nin “xidmətindən” ifadə olunub.

Məlum olub ki, Kandıra F həbsxanasında saxlanılan Məhmət Şirin Aksoy adlı şəxs orada bir sıra problemlərlə üzləşib. Bu səbəbdən də bayırdakı “Yapon Ömər” ləqəbli avtoritet Ömər Fərrux Üstündaşa xəbər göndərərək həbsxana rəisinin “sağ ayağından vurulmasını” tələb edib. Üstündaş da Sərdar Yılmaz və digər şəxslərlə əlaqəyə girib. Bundan sonra həbsxana rəisi müşahidə altına alınıb və onun gedib-gəldiyi yerlər müəyyənləşdirilib. Həbsxana rəisinin hər gün gedib-gəldiyi qəhvəxanada sui-qəsdin təşkil edilməsinə qərar verilib. Bundan sonra rəisi ayağından güllələyəcək killerin axtarışına başlayıblar. Bunun üçün 18 yaşlı S.Ç seçilib.

Avtoritetlərin “Qara Merkuri”si: rəisi güllələmək sifarişi alana və digərlərinə qarşı istintaq başlayıb

Yapon Ömərin S.Ç-yə “Bir şəxs vurulacaq, vura bilərsənmi”,- sualına gənc oğlan “Həbsxanaya düşməkdən qorxuram”,- cavabını verib. Yapon Ömər isə 18 yaşlı S.C-yə “Əsl həyat həbsxanadadır, 3 ay yatıb çıxarsan, sənin yaşın onsuzda azdır. Üstəlik, adamın ayağına vuracaqsan”,- deyərək onu cinayəti törətməyə razı sala bilib.

Türmə rəisinin fotosu Feysbuk üzərindən S.Ç-yə göndərilib. Həmçinin sui-qəsdin həyata keçirilməsi üçün iki ədəd motoskilet və bir avtomobil ayrılıb. Motosikletdə olanlar müşahidə edəcək, avtomobildən isə türmə rəisinə hücum olunacaqdı. Kriminal ünsürlər öz aralarında sui-qəsd haqqında danışarkən “əməliyyata” “Qara Merkuri” deyirmişlər.

Əvvəl türmə rəisini səhər evindən çıxarkən vurmaq qərarına gəlinsə də, sonradan plan dəyişib. Çünki hər səhər rəisi işə aparmaq üçün avtomobildə həbsxananın iki əməkdaşı da gəlirmiş və onların silahlı olma ehtimalı varmış.

Axşam saat 20:30-da tətikçi S.Ç hazırlıq görür, potronları silərək tapançasına doldurur. Daha sonra müəyyən edilən qəhvəxananın qarşısına gəlir. Rəis də burada əyləşib kofe içirmiş. Gənc killerə “Bax, oturub, başında papaq, gözündə eynək olan kişidir, onu vuracaqsan, amma bayıra çıxanda vur”,- deyərək son təlimatı verirlər. Killer isə “Narahat olmayın, məsələni içəridə həll edəcəyəm”,- deyir.

Killer avtomobildən düşərək qəhvəxanaya daxil olur, rəisin əyləşdiyi masaya yaxın yerdə əyləşərək gözləyir, amma qəfildən kameraları gördükdə narahat olur və telefonuna zəng gəldiyi üçün oradan ayrılır. Və polis tərəfindən saxlanılır.

Avtoritetlərin “Qara Merkuri”si: rəisi güllələmək sifarişi alana və digərlərinə qarşı istintaq başlayıb

Məhməd Şirin Aksoy onun tərəfindən sui-qəsd təlimatı verilməsi haqda iddianı rədd edib. Yapon Ömər isə Sərdar Yılmaz və S.Ç adlı şəxslə görüşdüyünü boynuna alsa da, amma ona kiminsə güllələnməsi haqda təlimat vermədiyini bildirib.

Motoskilet sürən şahidlərdən biri tapançasını su arxına atsa da, polis silahı əldə edə bilib.

Hazırda prokurorluq 7 nəfərlik qrupa “cinayətkar şəbəkə yaratmaq”, “qəsdən adam yaralamaq” ittihamlarını irəli sürüb.

Xatırladaq ki, Kandıra F tipli həbsxananın əvvəlki rəisi İsmət Aktürk 2015-ci ildə buna oxşar sui-qəsd nəticəsində öldürülüb.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}