Putinin arvadı Rusiyanın ən böyük sələmçisidir - Foto
Tarix: 06-11-2019 17:56 | Bölmə: Slayd
Putinin arvadı Rusiyanın ən böyük sələmçisidir

Rusiyanın əsas pul borc verən sələmçiləri oliqarxların və ya dövlət rəhbərlərinin övladlarıdır.

Reyting.az
“Sobesednik” nəşrinə istinadla xəbər verir ki, ölkənin ən böyük mikromaliyyə təşkilatının arxasında Rusiya prezidentinin keçmiş arvadı Lyudmila Putina (qızlıq soyadı Şkrebneva) durur.

Nəşrin məlumatına görə, 2017-ci ildən “Meridian” şirkəti ipoteka kreditləri üzrə şirkətlərin reytinqinə başçılıq edir. Onun yeganə təsisçisi Vladimir Putinin keçmiş xanımıdır. Şirkəti "İnternservice" MMC idarə edir.

İndi “Meridian” MMC Kipr şirkəti olan “Carmoney CY LTD”-də də 7 faizlik paya sahibdir.

2019-cu ilin ilk yarısında şirkət rekord qazanc əldə edib. Bir ildə “Meridian” mikrokredit portfelini 30 faiz artıb, indi ruslar bu təşkilata 2,6 milyard rubl borcludur.

Nəşrin bildirdiyinə görə, “Carmoney”-in səhmdarları arasında Dövlət Hava Şirkətinin 224-cü Uçuş dəstəsinin keçmiş baş direktoru Konstantin Vartanov da var.

Putinin arvadı Rusiyanın ən böyük sələmçisidir

MMC-lərin birgə sahibləri də iri dövlət podratçılarıdır, onların arasında iş adamları İqor Tujilin və Sergey Prilepski öndədir.

Digər əsas sələmçi ABŞ-da yaşayan oliqarx Alexander Mamutun 22 yaşlı oğlu Nikolaydır.

"Bıstrodengi" və "Turbozaym" mikromaliyyə təşkilatlarına iki qardaş - Yuri və Yeqor Provkin nəzarət edir. Bunlar qızlara cinsi təcavüzdə ittiham olunan keçmiş senator İqor Provkinin övladlarıdır.

“Webbankir MFI”-in sahibi, keçmiş enerji naziri Yuri Şafranikin oğlu Denis Şafranikdir. Rusiya Dəmir yollarının baş direktorunun müşaviri Aleksey Taiçer bu MMC-nin şərikidir.

Mərkəzi Bankın məlumatına görə, rusların borc yükü 2012-ci ildən bəri ən yüksək həddə çatıb. Əhali bir neçə növ kreditdən istifadə edir. Mərkəzi Bankın məlumatında bildirilir ki, 39,5 milyon rusun – ölkənin işləyən əhalisinin 54 faizinin hazırda açıq kreditləri var.

Reyting.az




Bölməyə aid digər xəbərlər
{sape_links}{sape_article}