İranda artan gərginliyin Azərbaycana ciddi təsirləri olacaq - Professor
Tarix: 18-11-2019 12:49 | Bölmə: Slayd
İranda artan gərginliyin Azərbaycana ciddi təsirləri olacaq

İranda getdikcə artan sosial etirazlar davamlı xarakter alarsa ölkəni siyasi və iqtisadi böhrana sürükləyə bilər.

Reyting.az
-ın məlumatına görə, bunu sosial şəbəkədə Azərbaycan Demokratiya və Rifah (ADR) Hərəkatının rəhbəri, ABŞ-ın Rutgers Universitetinin professoru Qubad İbadoğlu yazıb.

Q. İbadoğlu bildirib ki, idarəolunmaz formata keçən xalq etirazları qurbanlarının sayına (verilən məlumatlara görə 14 nəfər həyatını itirib), kütləviliyinə və coğrafi dairəsinə görə son illər keçirilən aksiyaların ən şiddətlisi sayılır.

Professorun fikrincə, baş verənlər əsasında qurulan istənilən ssenaridən aydın görsənir ki, İranda qiymət artımının yeni dalğası, milli valyutanın dəyərsizləşməsinin növbəti mərhələsi qonşu ölkədə iqtisadi durumu daha acınacaqlı vəziyyətə sala bilər: “Bu isə istənilən halda İrandan əmək miqrasiyasını və kapital axınını sürətləndirəcək. Azərbaycan da emiqrantlara ev sahibliyi, maliyyə transfertlərinə vasitəçilik etmək məcburiyyətində qala biləcək potensial ölkələrin siyahısındadır”.

Q. İbadoğlu bildirib ki, Azərbaycan emiqrantlara ev sahibliyi və maliyyə transfertlərinə vasitəçilik etməyin iqtisadi təsirlərini əvvəlcədən dəyərləndirməli, prosesə hazırlıqlı olmalıdır.

İranda artan gərginliyin Azərbaycana ciddi təsirləri olacaq
Q. İbadoğlu

Professor qeyd edib ki, İrandakı etiraz aksiyaları daha da genişlənərsə, Azərbaycan müəyyən problemlərə hazırlıqlı olmalıdır:

“Birincisi, Azərbaycanın İranla sərhəddə yaşayan əhalisi üçün bu ölkə əvvəlki kimi alış-veriş və tibbi xidmətlər üçün faydalı olmayacaq. Bu isə xüsusilə cənub rayonlarında onsuz da pisləşən sosial vəziyyəti bir az da gərginləşdirə bilər.

İkincisi, İrandan Azərbaycana əmək emiqratlarının gəlməsi ilk növbədə əmlak kirayəsi və istehlak bazarında qiymətlərin bahalaşmasına təsir göstərəcək.

Üçüncüsü, İran və Azərbaycan arasında xarici ticarət döviyyəsi azalacaq. Lakin bununla yanaşı, İran mənşəli kapitalın Azərbaycana daşınması prosesi sürətlənəcək ki, bu da Azərbaycan iqtisadiyyatına sərmayə qoyuluşunu artıra bilər.

Dördüncüsü, İran tüməninin dəyərdən düşməsi Azərbaycan manatına və dolayı yolla da ABŞ dollarına olan tələbatı artıra bilər. Bu da Azərbaycanın xarici şoklara həssas olan valyuta bazarında gərginliyi artıracaq.

Nəhayət, İranda hakimiyyətlə xalq arasında münasibətlərin gərginləşməsi qısamüddətli dövrdə dünya bazarında neftin qiymətinə artırıcı təsir göstərə bilər. Bu da Azərbaycanın neft gəlirlərinin artımını şərtləndirən amillərdəndir”.

Q. İbadoğlunun fikrincə, İranda baş verənlər Azərbaycan iqtisadiyyatına birmənalı müsbət və ya mənfi təsir göstərməyəcək. Bu təsirlərin hansının çox, hansının az olması qonşu ölkədəki hadisələrin gedişatından və Azərbaycanın prosesə hazırlıq səviyyəsindən asılı olacaq.

Qeyd edək ki, İrandakı son qiymət artımı ölkədə ciddi etirazlara səbəb olub. Xüsusən də yanacağın qiymətinin artırılması vətəndaşlarla polis qüvvələri arasındakı qarşıdurmanı dərinləşdirib. Etirazçılar dövlətə məxsus binalara od vurmaqdan da çəkinmirlər.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}