Nazirlər Kabinetində dəyişiklik: yeni şöbələr yaradılıb - Siyahı
Tarix: 02-12-2019 17:54 | Bölmə: Gündəm
Nazirlər Kabinetində dəyişiklik: yeni şöbələr yaradılıb

Struktur islahatları çərçivəsində Nazirlər Kabinetinin Təhlükəsizlik və müdafiə məsələləri şöbəsi ləğv edilərək onun əsasında Təhlükəsizlik, müdafiə və səfərbərlik şöbəsi yaradılıb.

Reyting.az
APA-ya istinadla xəbər verir ki, bu, Nazirlər Kabineti Aparatının yeni strukturunda əksini tapıb.

Eyni zamanda Sənədlərlə və vətəndaşların müraciətləri ilə iş şöbəsi ləğv edilib.

Nazirlər Kabineti Aparatının Təhlükəsizlik və müdafiə məsələləri şöbəsinin müdiri Qulu İmanquliyev, Sənədlərlə və vətəndaşların müraciətləri ilə iş şöbəsinin müdiri Müsəddiq Məmmədov olub.

Nazirlər Kabinetinin Maliyyə və iqtisadiyyat məsələləri şöbəsinin əsasında İqtisadiyyat şöbəsi, Beynəlxalq əlaqələr şöbəsinin əsasında Beynəlxalq əməkdaşlıq şöbəsi, Regionların inkişafı, kənd təsərrüfatı və ekologiya məsələləri şöbəsinin əsasında Regionların inkişafı şöbəsi, Aqrar və ekologiya şöbəsi, həmçinin yeni Xarici iqtisadi əlaqələr şöbəsi yaradılıb.

Digər dəyişiklik Nazirlər Kabineti Aparatının İşlər müdiri vəzifəsi ilə bağlıdır. Həmin vəzifə ləğv edilərək, İşlər İdarəsi yaradılıb.

Qeyd edək ki, Nazirlər Kabineti Aparatının İşlər müdiri Hikmət Xəlilov idi.

Beləliklə, Nazirlər Kabineti Aparatının yeni strukturunda şöbələrin sayı 9-dan 13-ə qaldırılıb.

Yeni yaradılan şöbələr - İqtisadiyyat şöbəsi, Xarici iqtisadi əlaqələr şöbəsi, Beynəlxalq əməkdaşlıq şöbəsi, Hüquq və qanunvericilik şöbəsi, Sosial məsələlər şöbəsi, Humanitar məsələlər şöbəsi, Sənaye və energetika şöbəsi, Aqrar və ekologiya şöbəsi, Regionların inkişafı şöbəsi, Tikinti, şəhərsalma və kommunal təsərrüfat şöbəsi, Nəqliyyat, kommunikasiya və innovasiya şöbəsi, Təhlükəsizlik, müdafiə və səfərbərlik şöbəsi və Ümumi şöbədir.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}