Klanların savaşı: Paşinyan Qarabağı yeni qüvvələrin nəzarətinə vermək istəyir - Politoloq
Tarix: 12-12-2019 17:14 | Bölmə: Slayd
Klanların savaşı: Paşinyan Qarabağı yeni qüvvələrin nəzarətinə vermək istəyir

“Ermənistanda müxalifətin konsalidasiyası müşahidə edilmir. Bir dəfə Manukyan buna cəhd etdi, amma alınmadı. İndi Robert Köçəryan buna cəhd edir. Əslində bu bizim Azərbaycan Xalq Hərəkatının, hansısa Şuranın toplanıb sonradan bir-biri ilə razılaşmaması prosesinə oxşayır”.

Bu fikirləri politoloq Zərdüşt Əlizadə Ermənistanın həbsdə olan sabiq prezidenti Robert Köçəryanın həbsdən yazdığı məqalədən danışarkən Reyting.az-ın əməkdaşına deyib.

Qeyd edək ki, Ermənistanın sabiq prezidenti məqaləsində iddia edib ki, növbəti ildə Ermənistan erkən seçkilərə gedəcək, Baş nazir Paşinyan hakimiyyətini itirəcək. Paşinyanın Qarabağla bağlı vahid mövqeyinin olmadığını bildirən sabiq prezidentin fikrincə, erməni müxalifəti konsensusa gəlməlidir.

Zərdüşt Əlizadə isə deyir ki, Ermənistanda yeganə güc ordudur, amma bu orduyada əmri Rusiya verir: “Rusiya imkan verdi ki, yeni qüvvələr köhnə qüvvələri əzsin. Amma Moskva yaxşı bilir ki, Ermənistan ümumilikdə qəfəsin içindədir. Yəni Ermənistanda indi hər hansı bir dəyişiklik rusları narahat etmir. Çünki qurduğu qəfəsin möhkəmliyinə əmindir. Yəni Ermənistan uzağı bu qəfəsin içində sağa, sola qaça bilər”.

Klanların savaşı: Paşinyan Qarabağı yeni qüvvələrin nəzarətinə vermək istəyir
Z. Əlizadə

Z. Əlizadə qeyd edib ki, Ermənistanın ənənəvi müxalifəti sayılacaq Köçəryan, Sarksiyan son hakimiyyət dəyişikliyindən sonra biabır olublar: “İndi də oturub özləri üçün danışırlar. Xalq üçün kimsə danışmalı, fikirlərini deməlidir. Bu, təhlükəli deyil”.

Politoloq əlavə edib ki, hazırda Nikol Paşinyanın əsas məqsədi Dağlıq Qarabağdakı separatçı rejimin rəhbərliyinə öz adamının seçilməsini təmin etməkdir: “Paşinyan bunun üçün çalışır. Məhz bu səbəbdən bəzən barışmaz olur, Azərbaycanı hədələyir, “Qarabağ Ermənistanındır”, - deyir və s. Beləcə, Qarabağ kartını “Qarabağ klanı”nın əlindən almaq istəyir. Qarabağdakı “hakimiyyətin” başına öz adamını yerləşdirib, bundan sonra başqa addımlar atmağa çalışır. Ermənistan Rusiyanın qurduğu qəfəsin içindədir və əslində kitabı da bağlanıb”.

Köçəryanın fəallaşmasına gəldikdə Z. Əlizadə bunu ciddi hadisə saymır: “Bir daha qeyd edirəm ki, Ermənistanda nəsə edə bilsə yalnız ordu edə bilər. Orduya da əmri Rusiya verir. Köçəryanın pulu, qəzeti, saytları çoxdur. Onun əlinə baxanlar çox olsa da, amma real gücü yoxdur. Orada real güc ordudur”.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}