13:19 / 03-08-2020
Sabah yağış yağacaq
Qasım Süleymanini öldürmək üçün ABŞ ordusuna informasiya sızdıranlar bəlli oldu
Tarix: 10-01-2020 17:16 | Bölmə: Slayd
Qasım Süleymanini öldürmək üçün ABŞ ordusuna informasiya sızdıranlar bəlli oldu

İran İslam İnqilabı Keşikçiləri Korpusunun “Qüds” briqadasının komandanı, general Qasım Süleymaninin ölümünün necə baş tutmasına dair sensasiyalı məlumatlar yayılıb.

Reyting.az
xəbər verir ki, generalın hərəkətlərinin ABŞ-a daxildən sızdırıldığı haqda informasiyalar tədricən özünü doğruldur.

“Röyter” agentliyinin xəbərinə görə, Qasım Süleymani Bağdada Dəməşqdən gəlib. Onun avtomobili Dəməşq hava limanına daxil olarkən yanında “Qüds”ün 4 mühafizəçisi olub.

Onun avtomobili Suriyanın “Wings” Hava Yollarına aid Bağdada uçacaq “Airbus A320” təyyarəsinin pilləkənləri önündə dayanıb. Bundan sonra Süleymani və 4 mühafizəçisinin sənədləri sərnişin kimi sənədləşdirilib və təyyarəyə miniblər.

İraq kəşfiyyatından bildiriblər ki, “Qüds”ün komandanı təhlükəsizliyi ilə bağlı problemlər səbəbindən şəxsi təyyarəsindən mümkün qədər az istifadə edib, daha çox sərnişin təyyarəsi ilə uçmağa üstünlük verirmiş.

Süleymaninin olduğu təyyarə yanvarın 3-də, 00:30-da Bağdad hava limanına enib. Bu zaman generalı Haşdi-Şabi qüvvələrinin rəhbərlərindən Ebu Mehdi əl-Mühəndis və iki zabit qarşılayıb. General hava limanında zirehli avtomobilə əyləşib.

Bağdad hava limanının rəsmiləri Süleymaninin mühafizəçilərinin digər avtomobilə əyləşdiyini, hər iki avtomobil ana yola istiqamət götürdüyünü və bu zaman ABŞ raketləri tərəfindən vurulduğunu bildiriblər.

İraqın təhlükəsizlik rəsmiləri Süleymaninin konvoyuna hücumdan sonra Bağdad hava limanınında çalışan personalardan gələn və çıxan qısa mesajları araşdırmağa başlayıb. Beləcə, Süleymanini ABŞ raketlərinin qarşısına hədəf kimi çıxaran casusları axtarılıb.

Araşdırma aparan müfəttişlər Dəməşq və Bağdad hava limanlarındakı şəxslərin ABŞ ordusu ilə necə əməkdaşlıq etdiyi üzərində fokuslaşıblar. Bu araşdırmaya İraqın milli təhlükəsizlik müşaviri Falih əl Fəyyad rəhbərlik edib.

Müfəttişlər Milli Təhlükəsizlik Təşkilatına “tutulmayan” dörd şübhəlinin ABŞ ordusuna informasiya verən daha geniş bir şəbəkənin parçası olduğuna inandığını, bu şübhəlilər arasında Bağdad hava limanı təhlükəsizliyində işləyən iki nəfərin və “Sham Vings of Sham”ın iki əməkdaşının olduğunu qeyd ediblər. Bunlardan biri Dəməşqin hava limanında, digəri təyyarənin göyərtəsində çalışıb.

Bağdada bu işi araşdıranlar ehtimal edirlər ki, general Süleymani haqqında sızan ilk məxfi informasiya Dəməşq Hava limanından gəlib, Bağdad hava limanındakı casuslar isə hədəfin çatdığını və generalın konvoyu haqqında ətraflı məlumatı ABŞ ordusuna ötürüblər.

Xatırladaq ki, Pentaqon İraq və Suriyadakı məxfi casuslarının Q. Süleymaninin öldürülməsi əməliyyatında rol alıb-almadığı haqda suallara şərh verməyib.

Adının çəkilməsini istəməyən ABŞ rəsmisi “Röyter”ə deyib ki, ABŞ Q. Süleymaniyə hücumdan əvvəl bir neçə gün ərzində generalın hərəkətlərini yaxından izləyib.

Reyting.az
скачать dle 10.5фильмы бесплатно




Bölməyə aid digər xəbərlər
bütün xəbərlər
{sape_links}{sape_article}