Bakı Apellyasiya Məhkəməsi generalın şikayətinə baxmaqdan imtina edib - Foto
Tarix: 14-01-2020 01:10 | Bölmə: Slayd
Bakı Apellyasiya Məhkəməsi generalın şikayətinə baxmaqdan imtina edib

73 saylı Lənkəran Seçki Dairəsindən deputatlığa müstəqil namizəd, Azərbaycan Silahlı Qüvvələrinin ehtiyatda olan generalı Qabil Məmmədov Lənkəran dövlət qurumlarının onun 9 fevral parlament seçkilərində iştirakına imkan verməmək üçün saxtakarlıqlara yol verdiyini bildirib.

Belə ki, yanvarın 2-də 73 saylı Lənkəran Dairə Seçki Komissiyası Məmmədovun deputatlığa namizədliyini qeydiyyata almaqdan imtina edib, bunu onun beş avtomobil və 2 hektar torpaq sahəsindən ibarət mülkiyyətinin olduğu haqqında məlumatı DSK-dən gizlətməsi ilə əsaslandırıb.

Bu zaman DSK Lənkəran Polis İdarəsinin rəisi Fəqan Azadəliyevin və Dövlət Reyestri Xidmətinin Lənkəran regional idarəsinin sədri Etibar Qasımovun təqdim etdiyi arayışlara istinad edib.

Amma Azərbaycan DİN Yol Polisi İdarəsinin rəis müavini İlham Rəcəbovun və Azərbaycan Dövlət Reyestri Xidmətinin rəis müavini Elşad Məmmədovun təqdim etdiyi arayışlar sözügedən "sənədləri" təkzib edib.

Bu sənədlər əsasında Azərbaycan MSK yanvarın 10-da 73-cü DSK-nın qərarından Qabil Məmmədovun 5 avtomobili və 2 hektar torpaq sahəsi olması haqqında bəndlərin çıxarılması haqqında qərar qəbul edib.

Eyni zamanda, MSK sədri qeydiyyatdan imtina qərarını qüvvədə saxlamaq barədə qərar verib.

İmtinanın konkret səbəbi göstərilməyib, amma qərarda Qabil Məmmədovun imza vərəqəsində "şübhə" doğuran 17 imza olmasından bəhs edilir.

Əslində Məzahir Pənahov şübhə doğuran imzaların yenidən yoxlanılması barədə sərəncam verməli idi, amma o, imtinanı qüvvədə saxlamağı kafi hesab edib. Bundan başqa, o, MSK-ya saxta sənədlər təqdim etmiş məmurların əməllərinə heç bir qiymət verməyib.

Qabil Məmmədovun sözlərinə görə, onun seçkilərə buraxılmaması məqsədilə açıq-aşkar saxtakarlıq göz önündədir. O, baş verənləri dövlət başçısının elan etdiyi, cəmiyyətdə mühitin sağlamlaşdırılması, ölkədə qanunun aliliyinin və ədalətin təmin edilməsinə yönəlmiş islahatların nüfuzdan salınması kimi qiymətləndirir.

Qabil Məmmədov hüquqlarının pozulması ilə əlaqədar məhkəməyə apellyasiya şikayəti verib. Eyni zamanda, o, yerli məmurların törətdiyi saxtakarlıq faktlarını araşdırmaq xahişi ilə Lənkəran Prokurorluğuna müraciət edib.

Bakı Apellyasiya Məhkəməsi generalın şikayətinə baxmaqdan imtina edib
Q. Məmmədov

Reyting.az Turan-a istinadla xəbər verir ki, Bakı Apellyasiya Məhkəməsi general Qabil Məmmədovun Azərbaycan MSK-ya qarşı şikayətinə baxmaqdan imtina edib. Məhkəmə, 73 saylı Lənkəran Seçki Dairəsinin Q. Məmmədovun deputatlığa namizədliyini qeydiyyata almaqdam imtina etməsilə bağlı qərarı qüvvədə saxlayıb.

Bakı Apellyasiya Məhkəməsi imtinanı onunla izah edib ki, ərazi baxımından bu məsələyə Şirvan Apellyasiya Məhkəməsində baxılmalıdır.

Q. Məmmədov bununla razı deyil, çünki Bakıda yerləşən MSK-nın hərəkətindən şikayət edib. O, Azərbaycan Ali Məhkəməsinə kassasiya şikayəti vermək niyyətindədir.

Reyting.az
скачать dle 10.5фильмы бесплатно




Bölməyə aid digər xəbərlər
{sape_links}{sape_article}