“Hamısını bilirdim..." - Tramp koronavirusla bağlı brifinqdə "Bizi ən pis iki həftə gözləyir" mesajını verdi
Tarix: 01-04-2020 17:22 | Bölmə: Slayd
 “Hamısını bilirdim..." - Tramp koronavirusla bağlı brifinqdə "Bizi ən pis iki həftə gözləyir" mesajını verdi

ABŞ prezidenti Donald Tramp ölkədə sürətlə yayılan koronavirus infeksiyası ilə bağlı qarşıdan gələn ağrılı və çətin iki həftə barədə xəbərdarlıq edib. 

Reyting.az
“Guardian”a istinadla xəbər verir ki, Tramp martın 31-də Ağ Evdə keçirilən mətbuat konfransında son onilliklərin ən böyük sağlamlıq böhranı ilə bağlı problemi yumşaltmağa çalışmayıb, əksinə amerikalıları qarşıdan gələn daha ağrılı günlərə hazır olmağa çağırıb: "Mən istəyirəm ki, hər bir amerikalı qarşıdan gələn ağır günlərə hazır olsun. Bizi qarşıda çox ağır iki həftə gözləyir”.

Mətbuat konfransının başqa bir məqamında prezident deyib: "Bu, dəhşətli dərəcədə pis iki həftə ola bilər. Bu, çox pis iki, bəlkə də üç həftə olacaq. Bu, bizim əvvəllər heç vaxt görmədiyimiz üç həftə olacaq”.

ABŞ-da son günlər keçirilmiş rəy sorğuları pandemiya ilə mübarizədə, sosial məsafə də daxil, görülən tədbirlərə geniş ictimai dəstəyin olduğunu göstərib.

Tramp koronavirusun yayılmasının ilk vaxtlarında təhlükədən xəbərdar olduğunu, lakin nikbin görünmək xatirinə özünü o yerə qoymadığını bildirib: “Hamısını bilirdim. Bunun dəhşətli ola biləcəyini də, bəlkə də, hər şeyin yaxşı qurtaracağını da bilirdim. Amma bəd danışan olmaq istəmədim. Bədbin şeylər danışmaq doğrudan da asandır, amma mən xalqa ümid vermək istəyirəm. Bildiyiniz kimi mən bu ölkə üçün tamadayam, ölkəmiz, bəlkə də, heç görmədiyi ən pis vəziyyətə düşüb”.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}