Onlarla ölkənin ordusunda koronavirus aşkar edilib - Siyahı
Tarix: 01-04-2020 20:50 | Bölmə: Slayd
Onlarla ölkənin ordusunda koronavirus aşkar edilib

Dünyada sürətlə yayılan koronavirus bəzi ölkələrin silahlı qüvvələrinə də sirayət edib.

Reyting.az
xəbər verir ki, ABŞ, Yunanıstan, İtaliya, Misir, İran, İngiltərə başda olmaqla əksər dövlətlərin ordularında koronavirus testi pozitiv çıxıb.

ABŞ ordusunda 105 personal COVİD-19-a yoluxub.

İtaliyada 11 general karantinə alınıb.

İran, Misir və Yunanıstan ordularında isə ölüm hallarında artım hiss edilir.

Ermənistan, Filippin, Polşa Baş qərargah rəislərinin testi pozitiv çıxıb.

Onlarla ölkənin ordusunda koronavirus aşkar edilib

Həmçinin koronavirus infeksiyası NATO-nun Belçikadakı qərargahını da təsir altına alıb. Martın 30-da Brüsseldə NATO qərargahının personallarında virusa yoluxanların sayı 5 nəfərə çatıb. Bundan 7 gün sonra NATO Dəstək və Tədarük Agentliyində (SHAPE) bir nəfərdə virus aşkarlanıb.

Son olaraq SHAPE bağlı birliklərdə 39 virusa yoluxma qeydə alınıb. 76 hərbçi evlərində karantinə alınıb. Həmçinin Müttəfiq Əməliyyatlar Komandanlığında 6 nəfərdə virus müəyyən edilib.

ABŞ koronavirus böhranı zamanı Avropaya əsgər və texnika göndərərək “Defender-20” manevrlər təşkil edib. ABŞ sonradan Avropaya hərbçi və təchizatı dayandıracağını, hərbi manevrlərin yerdə qalan hissəsini ləğv edəcəyini açıqlayıb.

Hazırda ABŞ ordusu koronavirusa yoluxan ölkələr sırasında birincidir.

ABŞ-ın Avropa ordusu komandanlığının generalı Kristofer Kavoli martın 11-də karantinə alınıb. ABŞ-ın Hərbi Donanma Akademiyasında mülki əməkdaşda virus aşkar edilib. Həmçinin Koronado tibb gəmisində də bir nəfərdə virus olduğu üzə çıxıb.

ABŞ Silahlı Qüvvələrində 1050 nəfərdə virusun olduğu deyilir. 2670 əsgər karantinə alınıb.

Misir Silahlı Qüvvələrində general-leytenant Xalid Şaltout koronavirus səbəbindən martın 21-də vəfat edib.

Onlarla ölkənin ordusunda koronavirus aşkar edilib

İran İnqilab Keşikçiləri Korpusunun generalı Hüseyn Əsədollahi virusa yoluxub.

Suriyada Rusiya, İran və Əsəd rejiminin ortaq istifadə etdiyi qərargahda 12 iranlı hərbçidə koronavirus müəyyən edilib.

İsrail ordusunda martın 30-na qədər 25 əsgərdə koronavirus qeydə alınıb.

Yunanıstan ordusu da koronavirusun təsirinə məruz qalıb. Martın 10-da sabiq admirallardan biri karantinə alınıb. Həmçinin Yunanıstan Silahlı Qüvvələrinin 12-ci Mexanikləşdirilmiş Piyada Dviziyasının yerləşdiyi Zisi bazasında karantin elan edilib. Fərqli hərbi hissələrdə xidmət edən 4 əsgərdə və Quru Qoşunları Qərargahında xidmətdə olan 4 personalda virus müəyyən edilməsi səbəbindən qərargahdakı əsgərlər martın 16-dan karantinə alınıb. Bir zabit isə martın 26-da vəfat edib.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}