800 min insanın qətlində ittiham olunan şəxs yaxalandı - Fotolar
Tarix: 16-05-2020 19:23 | Bölmə: Slayd
800 min insanın qətlində ittiham olunan şəxs yaxalandı

Beynəlxalq Cinayət Məhkəməsinin Ruanda soyqırımında yüz minlərlə insanın ölümündə təqsirkar hesab etdiyi Felicien Kabuga Fransada yaxalanıb.

Reyting.az
xarici KİV-ə istinadla bildirir ki, Fransa Ədalət Nazirliyi başına 5 milyon dollar mükafat qoyulan caninin saxlandığını rəsmən açıqlayıb.

Kabuga 800 min insanın həyatını itirdiyi soyqırımın maliyyəçisi kimi tanınırdı.

84 yaşlı Felicien Kabuganın Parisin şəhərətrafı Asnieres-Sur-Seində saxta şəxsiyyət sənədi ilə yaşadığı evində bu gün səhər ələ keçdiyi bildirilir.

Rəsmi açıqlamda Kabuganın 1994-cü ildən indiyədək Almaniya, Belçika, Konqo, Keniya və İsveçrədə gizləndiyi qeyd edilir.

1994-cü ilin iyul ayında İsveçrəyə gələn və bu ölkədən çıxarılandan sonra Konqo Demokratik Respublikasına gedən Kabuga 1997 və 2003-cü illərdə Keniyanın paytaxtı Nayrobidə təşkil olunan polis əməliyyatından qaçmağı bacarmışdı.

Bəs, Ruandada nə baş verib?

Hadisələr yalnız 100 gün davam edib. Əli silahlı milislər hər yerdəydi. Siyasi hazırlıqda rol alan iki Avropa ölkəsi - Fransa və Belçika idi. Dünyanın gözü önündə 800 mindən çox insan öldürülüb.

Ölkənin kraliçası belə evindən aparılıb, bir muzeyin bağçasında vurulmuşdu.

Qeyd edək ki, Amerikanın “Associated Press” (AP) xəbər agentliyinin (13 may 1994-cü il tarixində) Ruanda ilə bağlı xəbərinin başlığı belə idi: "Artıq burada heç kim yaşamır."

800 min insanın qətlində ittiham olunan şəxs yaxalandı800 min insanın qətlində ittiham olunan şəxs yaxalandı800 min insanın qətlində ittiham olunan şəxs yaxalandı800 min insanın qətlində ittiham olunan şəxs yaxalandıскачать dle 10.5фильмы бесплатно




Bölməyə aid digər xəbərlər
{sape_links}{sape_article}