İsrail və Türkiyə bir araya gəlir - İrana qarşı yeni birlik yarana bilər
Tarix: 22-05-2020 12:19 | Bölmə: Slayd
İsrail və Türkiyə bir araya gəlir - İrana qarşı yeni birlik yarana bilər

Türkiyə ilə İsrail arasında son zamanlar məxfi danışıqların aparıldığı, tərəflərin bir sıra məsələlərdə anlaşma imkanının olması barədə iddialar əsassız deyilmiş.

Reyting.az
xəbər verir ki, İsrail koronavirus problemindən istifadə edərək Ankara ilə münasibətləri qaydaya qoymaq təşəbbüsü ilə çıxış edir.

Yeri gəlmişkən, İsralin Ankaradakı səfirliyi sosial media üzərindən Türkiyəyə sevgi mesajı göndərib.

Bu konteksdə diqqət çəkən daha bir məsələ İsrailin Ankaradakı səfirliyinin müvəqqəti işlər vəkili Roey Giladın “Türkiyə ilə İsrailin COVID-19 və İdlib də daxil olmaqla ortaq maraqları” başlıqlı məqalə yazmasıdır.

Məqalədə İdlibdə şəhid olan türk əsgərlərinə diqqət çəkən diplomat qeyd edib ki, İdlibdəki müharibə bəzi əhəmiyyətli geopolitik reallıqları ortaya qoyub: “Bunlardan biri İranın Suriyadakı mövcudluğunun Türkiyənin maraqlarına zidd işləməsidir. İran milisləri - başda “Hizbullah” olmaqla, İdlibdə 50-dən çox türk əsgərinin həyatını itirməsində rol oynayıb”.

Dipomat məqaləsində Türkiyə ilə İsrail arasındakı mövcud əlaqələrini “siyasi dialoqun olmaması” və “güclü meqafon diplomatiyası” kimi qiymətləndirib. Hesab edib ki, əgər iki ölkə arasında münasibətlər normal məcraya qayıdarsa, bunun Suriyaya ciddi təsirləri ola bilər.

Görünən budur ki, İsrailin Ankaradakı müvəqqəti işlər vəkilinin məqaləsi əslində məxfi müzakirələr fonunda ortaya çıxır.

Onu da qeyd edək ki, mayın 7-də İsrail hökuməti rəsmi Tvitter hesabından “Türkiyə ilə diplomatik əlaqələrimizlə qürur duyuruq. Əlaqələrimizin gələcəkdə daha da güclənməsinə ümid edirik. Bütün türk izləyicilərimizə sevgilərimizi göndəririk”,- mesajı yayımlanıb.

Digər məsələ, mayın 12-də Misir, Yunanıstan, Cənubi Kipr, Fransa və Birləşmiş Ərəb Əmirliyinin Türkiyəyə qarşı bəyanatının İsrail tərəfindən imzalanmamasıdır.

Hazırda Türkiyə ilə İsrail arasında müsbət yöndə açıqlamaların hansı həddə qədər davam edəcəyi maraq doğurur.скачать dle 10.5фильмы бесплатно




Bölməyə aid digər xəbərlər
{sape_links}{sape_article}