BMT-də seksual qalmaqal: sülhməramlıların əxlaqsızlığı videosu yayıldı - Fotolar
Tarix: 26-06-2020 19:24 | Bölmə: Slayd
BMT-də seksual qalmaqal: sülhməramlıların əxlaqsızlığı videosu yayıldı

Birləşmiş Millətlər Təşkilatı (BMT) İsrailin Təl-Əviv şəhərində təşkilata məxsus avtomobildə təmsilçisinin bir qadınla əxlaqsızlığının əks olunduğu videoda mümkün cinsi istismar hadisəsinin araşdırıldığını bildirib.

Reyting.az
“The New Humanitarian”-a istinadla xəbər verir ki, gecə, yol kənarında lentə alınan 18 saniyəlik videoda “Toyota 4x4” markalı avtomobilin arxa oturacağında ağ köynəkli kişi və qırmızı rəngli paltarda olan qadın fiquru aydın görünür. Ön sərnişin oturacağında başqa bir adam var. Sürücü kameraya düşməyib.

BMT-nin sözçüsü Stefan Dujarrik “New Humanitarian”-a açıqlamasında BMT rəhbərliyinin videodakı görüntülərdən "şoka düşdüyünü və dərin narahat olduğunu" bildirib.

Dujarrik deyib: "Görünən davranış iyrəncdir və BMT işçilərinin cinsi qanun pozuntularına qarşı mübarizə baxımından əldə etdiyimiz hər şeyə qarşıdır".

Videonun araşdırılması zamanı onun Tel-Əvivin HaYarkon küçəsində çəkildiyi müəyyən edilib.

BMT-də seksual qalmaqal: sülhməramlıların əxlaqsızlığı videosu yayıldı

Doğrudur, videoda maşının nömrəsi görünmür, lakin avtomobil BMT-nin Sülhə Nəzarət Təşkilatına (UNTSO) məxsus olduğu aydındır.

UNTSO 1948-ci ilin mayında İsrail dövləti yaradılarkən qurulub. Təşkilatın veb saytında bildirilir ki, onun Livan-İsrail sərhəddində və işğal altındakı Colan yüksəkliklərində BMT missiyalarına yerləşdirilən 153 hərbi müşahidəçisi var.

BMT cinsi istismar və təhqirlə bağlı ciddi qaydalara, o cümlədən seksual xidmət haqqı ödəməyə qoyulan qadağaya malikdir, lakin işçiləri və sülhməramlılar arasında cinsi istismara qarşı daim mübarizə apardığını bildirir. 2019-cu ildə BMT öz sülhməramlı əməliyyatlarında xidmət edən şəxsi heyəti və əsgərlərə qarşı 175 araşdırma aparıb. Onlardan 16-da iddianın əsasslandırılmış olduğu müəyyən edilib.

Dujarrik bildirib ki, BMT-nin Daxili Nəzarət İdarəsi videoda olan şəxslərin şəxsiyyətini müəyyənləşdirmə prosesini başa çatmaq üzrədir.

BMT-də seksual qalmaqal: sülhməramlıların əxlaqsızlığı videosu yayıldı

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}