Azərbaycan Türkiyədən hansı dronları alır? - Foto
Tarix: 10-07-2020 20:05 | Bölmə: Slayd
Azərbaycan Türkiyədən hansı dronları alır?

Azərbaycan parlamenti bu yaxınlarda dövlətin Türkiyədən müdafiə avadanlıqları, o cümlədən dronlar almasına imkan verən qanun layihəsini təsdiqləyib.

Reyting.az
“National Interest”-ə istinadla xəbər verir ki, müqavilənin bəzi detalları, o cümlədən Azərbaycanın hansı növ dronları satın alacağı bəlli deyil. Ancaq ehtimal olunur ki, Azərbaycan orta hündürlükdə dayanıqlıq platforması olan “Bayraktar TB2”-ni seçəcək.

TB2 - 5 milyon dollar qiyməti olan olduqca bacarıqlı bir platformadır və GPS olmadan, lazım gələrsə, nəzarətçisiz yerdəyişmə və eniş edə bilər.

“National Interest” qeyd edib ki, dronların həm ölkə daxilində, həm də xaricində kürd qruplarına qarşı istifadə edilə biləcəyindən qorxaraq 2014-cü ildə ABŞ Türkiyəyə silahlı dronları satmaq istəməyib. “Qorxu əsaslı idi, hazırda Türkiyədəki kürd qruplarına qarşı İraq və Suriyada, Türkiyənin sərhədi boyunca pilotsuz təyyarələrdən istifadə edir”.

Azərbaycan Türkiyədən hansı dronları alır?

Türk pilotsuz təyyarələri beynəlxalq bazarda maraq doğurub. 2019-cu ildə Ukrayna dron istehsalçısı “Baykar Makina” ilə idarəetmə məntəqələri və sursatlarla birlikdə on iki “TB2”-nin satın alınması üçün 69 milyon dollarlıq müqavilə imzalayıb. Saziş Ukraynanın xarici ölkədən dron almasına dair ilk haldır.

Əvvəllər Ukrayna Amerika istehsalı olan “RQ-11 Raven” pilotsuz uçuş aparatını istismar edib, lakin bu dronlar kəşfiyyat missiyaları üçün istifadə olunub.

Qətər də Türkiyədən “TB2”-lər alıb, sifariş çox olmasa da, altı ədəd idi.

Liviyada bu dronlar atəşə tutulub və marşal Xəlifə Həftərin komandanlığı altında olan döyüşçülərin onları vurduğu bildirilib.

ABŞ nəşri yazıb ki, Azərbaycan, ehtimal ki, “TB2”-lərdən istifadə edərək, Dağlıq Qarabağ bölgəsində, Ermənistanla münaqişədə mövqelərini möhkəmləndirəcək. “Aşağı intensivlikli münaqişə 1980-ci illərin sonlarından bəri davam edir. Mübahisəli Dağlıq Qarabağ bölgəsi etnik baxımdan heterojen bir ərazidir. Münaqişə həll olunmasa da, hazırda sarsılmaz atəşkəs mövcuddur.

Türkiyə iki ölkə arasında sıxışan Ermənistanla bağlı münaqişədə Azərbaycanın mövqeyini dəstəkləyir. Həm Türkiyə, həm də Azərbaycan əsasən müsəlman, türk-azəri eyniyyətinə malikdir”.

Reyting.azскачать dle 10.5фильмы бесплатно




Bölməyə aid digər xəbərlər
bütün xəbərlər
{sape_links}{sape_article}