Vaşinqtonda Qarabağ münaqişəsi ilə bağlı razılaşma olsa da, onun reallaşması uzun çəkəcək
Tarix: 20-10-2020 13:24 | Bölmə: Slayd
Vaşinqtonda Qarabağ münaqişəsi ilə bağlı razılaşma olsa da, onun reallaşması uzun çəkəcək

“Minsk Qrupu adlandırdığımız, əslində mahiyyət etibarı ilə erməni dostluq qrupunun əsas məqsədi Ermənistanın Azərbaycan torpaqlarında işğalını möhkəmlənirmək və ona dəstək verməkdən ibarət olub. Çünki bu günə qədər erməni dostluq qrupu olan Minsk Qrupu özünün də səs verdiyi BMT Təhlükəsizlik Şurasının 4 qətnaməsinin həyata keçirilməsini rəsmi İrəvandan tələb etməyib. Sanki heç belə qətnamələr yoxdur. İndi nə oldu, onlar birdən-birə fəallaşdı? Çünki Azərbaycan Ordusunun bu qətnamələri təkbaşına həyata keçirdiyini, uğurla irəlilədiyini görürlər. Və təlaş içindədirlər, düşünürlər, necə edək ki, Azərbaycan Ordusunun bu uğurlu yürüşünü durduraq. Onların dərdi-səri budur. Bu, ümumiyyətlə, Minsk Qrupuna həmsədrlik missiyasını həyata keçirən 3 ölkənin dərdidir”.

Bu fikirləri Reyting.az-a Azad Demokratlar Partiyasının sədri Sülhəddin Əkbər Rusiya və Fransanın təşəbbüsündən sonra ABŞ Dövlət Departamentinin təşəbbüs göstərərək Azərbaycan və Ermənistan xarici işlər nazirlərini Vaşinqtona dəvət etməsini şərh edərkən deyib.


S. Əkbər

S. Əkbərin fikrincə, nəzərə alınmalıdır ki, bu həmsədr ölkələr arasında daima rəqabət mühiti var: “Yəni onlar bu konfliktin həllində təşəbbüsü daima bir-birinin əlindən almağa çalışıblar. Əvvəllər bu proses daha çox ABŞ və Rusiya arasında müşahidə olunurdu. İndi Prezident Makronun simasında Fransa da bu prosesə qoşulub. Yəni faktiki olaraq bu, təşəbbüsü ələ keçirməkdən başqa bir şey deyil. Əslində Azərbaycan bundan yararlanmalıdır. Başqa sözlə, Vaşinqton, Paris və Moskva rəqabətə girişəcək, təşəbbüsü bir-birinin əlindən almağa çalışacaqlar. Azərbaycan Ordusu da öz işini davam etdirməlidir”.

Partiya sədrinin sözlərinə görə, Vaşinqtonda hər hansı razılaşma ola bilər, amma bunun həyata keçiriləcəyi gözlənilən deyil: “Çünki Rusiyanın BMT-dəki nümayəndəsinin açıqlamasına baxsanız bunu görə bilərsiniz. Yəni aydın görünür ki, əvvəl Rusiya təşəbbüsü ələ almışdı, indi ABŞ-ın belə təşəbbüs göstərməsi Moskvanın ürəyincə deyil. Eləcədə Fransaya xoş gəlmir. Odur ki, Vaşinqtonda nəzəri baxımdan hər hansı bir razılaşma olsa belə, onun reallaşma mexanizminin yaradılması və sahədə tətbiqi vaxt alacaq. Bu isə Azərbaycan Ordusu üçün yeni imkanlar yaradır”.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}