Tofiq Zülfüqarov: “Yaxın günlərdə Ermənistanda anti-Rusiya hərəkatı başlayacaq”
Tarix: 29-10-2020 13:06 | Bölmə: Slayd
Tofiq Zülfüqarov: “Yaxın günlərdə Ermənistanda anti-Rusiya hərəkatı başlayacaq”

“Müharibənin nəticəsi Ermənistan üçün ağır olsa da, ehtimal edirəm ki, Nikol Paşinyan hakimiyyətdə qalmaq niyyətindədir. Digər element odur ki, indi erməni siyasətində Paşinyanın yeri uğrunda rəqabət yoxdur. Bəli, ara-sıra “İstefa!” tələbləri səslənir, amma heç kəs istəmir ki, Paşinyanın yerinə hakimiyyətə gəlsin və kapitulyasiyaya imza atsın. Belə sadəlöhv siyasətçilər yoxdur. Əksinə, onlar Paşinyana deyirlər ki, bu vəziyyəti sən yaratmısan və məsuliyyətini də özün çəkməlisən”.

Bunu Reyting.az-a sabiq Xarici işlər naziri Tofiq Zülfüqarov Azərbaycan qarşısında məğlub olan Ermənistanda hakimiyyət dəyişikliyinin mümkünlüyü və bu ölkədə siyasi proseslərin hansı istiqamətdə inkişaf edəcəyi haqda proqnozlarını açıqlayarkən deyib.

Onun sözlərinə görə, Ermənistan siyasətçiləri anlayır ki, hakimiyyətə kimin gəlməsindən asılı olmayaraq Azərbaycanın hərbi zərbələri davam edəcək: “Yəni Azərbaycan işğal olunan əraziləri geri qaytarmaqda davam edəcək. İndi həm də Ermənistanda hakimiyyətə gəlməyin mənası yoxdur”.

T. Zülfüqarov ehtimal edir ki, yaxın günlərdə Ermənistanda anti-Rusiya hərəkatı başlayacaq: “Bəzi məlumatlar var ki, artıq Gümrüdə yerləşən Rusiya hərbi bazası ilə bağlı gərginlik artır. Hesab edirəm ki, Paşinyan belə addımlarla göstərəcək ki, Rusiyadan real dəstək olmayıb. Həmçinin Moskvanın təsirindən azad olmağa çalışacaq. Qarabağı itirsə də, çalışacaq ki, Qərbyönümlü siyasəti həyata keçirməyinə maneə qalmasın.

Biz əvvəllər də proqnoz vermişdik ki, indi ikinci mərhələnin astanasındayıq. Ermənistan Qarabağı itirir, nəticə olaraq Rusiyanı kənarlaşdırır və Qərb oriyentasiyalı siyasəti tətbiq etməyə çalışır. Proqnozum budur ki, Qarabağ və minlərlə əsgər itkisinə baxmayaraq erməni ictimaiyyəti Paşinyanı dəstəkləyəcək. Bu da təbiidir. Paşinyanın dəyişdirilməsi üçün hansısa iddialı siyasətçi ortaya çıxmalıdır. İndiki vəziyyətdə kim ortaya çıxıb məğlubiyyətin məsuliyyətin üzərinə götürər? Həm də məğlubiyyəti rəsmiləşdirmək, imza atmaq lazım gələcək. Belə bir siyasətçi Ermənistanda görünmür. Belə siyasətçi olsaydı, Paşinyan iqtidarı ürəklə ona verərdi. Ordu dağılıb, iqtisadiyyat bərbad vəziyyətdə... Gələn adam bu resursla nə edəcək? Odur ki, belə siyasətçi yaxın müddətdə ortaya çıxmayacaq. Deməli, Paşinyan bir müddət hakimiyyətdə qalmalı olacaq. Qalacaqsa, Qərpərəst siyasətin tətbiqi baş verəcək”.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}