Ermənilər Azərbaycandan tonlarla qızıl oğurlayıb
Tarix: 27-11-2020 12:52 | Bölmə: Slayd
Ermənilər Azərbaycandan tonlarla qızıl oğurlayıb

“Zod aşırımında olan qızıl yatağı Azərbaycanındır. Həmin yatağı vaxtı ilə biz kəşf etmişik. Hələ SSRİ zamanı ermənilər gəlib qızıl mağaralarından nümunələri oğurlayıb Moskvada Geologiya Nazirliyinə aparır və iddia edirdilər ki, onlarda qızıl var”.

Bu fikirləri Reyting.az-a hüquq müdafiəçisi Novella Cəfəroğlu Kəlbəcər ərazisində yerləşən Zod (Söyüdlü) qızıl mədəni və ermənilərin bu mədənə iddiasını şərh edərkən deyib.

Hüquq müdafiəçisi bildirib ki, indi ermənilərin iddia etdiyi həmin qızıl yatağını vaxtilə Azərbaycan kəşf edib, onun işlənməsini həyata keçirib:

“Zod yatağı bizimdir. 30 ilə yaxındır ki, bu mədəni ermənilər istismar edib, oğurlayıb. Bu günə qədər oğurladıqlarını da geri qaytarmalıdırlar. Bunu onlardan tələb etməliyik”.


N. Cəfəroğlu

N. Cəfəroğlu xatırladıb ki, o, şəxsən bu yataqda ekspress analizlər həyata keçirib: “Yoldaşım açıb, məndə kimyadan ekspress analiz aparmışam. Bu, sovet vaxtında olub. Səhv etmirəmsə Heydər Əliyev o zaman hakimiyyətdə idi. Həmin yataq mənə çox əzizdir. Çünki orada işlərimiz olub, çalışmışıq”.

Hüquq müdafiəçisi qeyd edib ki, həmin qızıl yatağının arxa hissəsi Ermənistan ərazisinə düşürdü: “Onlar da qızıl əldə etmək üçün işlər görür, yataq qurmağa çalışırdılar. Amma onlara aid ərazidə qızıl yox idi”.

N. Cəfəroğlu deyib ki, Kəlbəcərdəki qızıl mədəni çox mühüm, perspektivi olan yataqdır: “Oranın qızıl ehtiyatı çoxdur. Bunu geoloqlardan da soruşa bilərsiniz. Mühüm və ehtiyatı olan mədənlərdir. Həm də təkcə bu deyil. Zəngilanın Vejnəli kəndi yaxınlığındakı qızıl mədənində də çalışmışıq. Ora da mühüm qızıl yatağı sayılırdı. Ümumiyyətlə, hər şeyi demək olmur. Bizim Qarabağda hər şeyimiz var. Ermənilərin Zod mədəninə iddia etməsinə gəldikdə isə bu, qeyri-ciddilik və həyasızlıqdır”.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}