Lavrov Qarabağ məsələsində oyundankənar vəziyyətdə saxlanılıb - Deputat
Tarix: 19-01-2021 15:29 | Bölmə: Slayd
Lavrov Qarabağ məsələsində oyundankənar vəziyyətdə saxlanılıb

“Postsovet məkanında əvvəldən kifayət qədər konfliktlər var. Abxaziya, Osetiya, Dnestryanı, Krım... Əslində bu konfliktlərlə Rusiyada daha çox Prezident Administrasiyası məşğul olurdu. Yeganə konflikt Qarabağ münaqişəsi idi ki, onunla daha çox Rusiya Xarici İşlər Nazirliyi, daha dəqiqi, nazir Sergey Lavrov məşğul olurdu. Minsk qrupu, qrupdakı həmsədrlər, Sergey Lavrov bu işlə müntəzəm məşğul idi. Amma Azərbaycanın son Qarabağ siyasəti, müharibə vasitəsilə problemin həlli faktiki olaraq Lavrovu və onun nazirliyini oyundankənar vəziyyətdə qoydu”.

Bu fikirləri Reyting.az-a Milli Məclisin deputatı, politoloq Rasim Musabəyov Rusiya Xarici işlər naziri Sergey Lavrovun son Qarabağ açıqlamalarını şərh edərkən deyib.


R. Musabəyov


R. Musabəyov xatırladıb ki, məhz Moskvada, S. Lavrovun təşəbbüsü ilə müharibə gedən ərəfədə əldə olunan atəşkəsi tərəflər ciddi qarşılamayıb: “Sonda atəşkəs və danışıqların davam etdirilməsini Rusiya prezidenti Putin təşkil etdi. Deməli, məsələlər ya Putin səviyyəsində həll edilir, ya da Müdafiə, Fövqəladə hallar nazirləri səviyyəsində.

Hazırda Rusiya Baş nazirinin müavini bölgədə kommunikasiyaların açılması ilə məşğul olur. Başqa sözlə, artıq Lavrova və onun rəhbərlik etdiyi nazirliyə bu məsələdə hər hansı bir iş qalmayıb”.

Deputat qeyd edib ki, Sergey Lavrov və nazirliyi daha çox Qarabağın statusu məsələsi ilə məşğul ola bilərdi, amma status məsələsi də gündəlikdə deyil: “Əvvəla 10 noyabrda imzalanan bəyannamədə status ifadəsi yoxdur. Azərbaycan Respublikasının Prezidenti açıq bəyan edib ki, Qarabağ məsələsi həll edilib. Yəni beynəlxalq müstəvidə Lavrov üçün heç nə qalmayıb. Belə olan halda Lavrov dil açır və bir növ nümayiş etdirir ki, “mən də varam”, bu işlərlə məşğul olmaq iddiasındayam. Ancaq düşünmürəm ki, kimsə onunla bu mövzuda danışacaq. Hər halda Azərbaycan tərəfi”.

Reyting.az




Bölməyə aid digər xəbərlər
{sape_links}{sape_article}