Bayden ABŞ-a təhlükə yaradan ölkələrin adını və onu təhdid edən məsələləri açıqlayıb
Tarix: 04-03-2021 12:18 | Bölmə: Slayd
Bayden ABŞ-a təhlükə yaradan ölkələrin adını və onu təhdid edən məsələləri açıqlayıb

ABŞ prezidenti Con Bayden hakimiyyətə gəlişindən 45 gün sonra “Keçici Milli Təhlükəsizlik Strategiyası” adlı sənədini yayımlayıb.

Reyting.az
xəbər verir ki, sənəddə “ABŞ-ın indiki taleyi daha əvvəl olmadığı qədər kənardakı hadisələrlə əlaqəlidir” ifadəsinə xüsusi yer verilir.

Sənəddə qeyd olunur ki, COVİD-19 pandemiyası, qlobal iqlim dəyişikliyi, Çin və Rusiya kimi rəqiblər, dünya səviyyəsinə yüksələn millətçilik və texnoloji dəyişikliklərə qədər bir çox məsələlər ABŞ üçün təhdid təşkil edir.

Sənəddə başda ABŞ olmaqla dünyada demokratik rejimlərin mühasirə altında olduğu bildirilir. Eyni zamanda qlobal güc bölgüsünün dəyişdiyini bildirən sənəddə bu dəyişikliyin ABŞ üçün yeni təhdidlər yaratdığına dair qiymətləndirməyə də rast gəlmək olur.

Beynəlxalq sistemin gələcəyini formalaşdırmağın lazım olduğuna işarə edilən konsepsiyada “Bu iş təcilidir, çünki ittifaqlar, qurumlar, razılaşmalar və ABŞ-ın yardımı ilə təsis edilən beynəlxalq düzənin təməlini təşkil edən normalar test edilməkdədir”, - ifadələrinə də yer verilir.

Qlobal düzənin problemlərinin əhatəsini cızan sənəddə Bayden hökumətinin beynəlxalq təhlükəsizlik baxımından bir nömrəli prioritetinin “dünyada ortaqlıq və müttəfiqləri yenidən canlandırmaq” olduğu vurğulanır.

Mövcud ittifaqlarla yanaşı yeni ittifaqların qurulacağı, xüsusilə Amerika qitəsinə böyük əhəmiyyət veriləcəyi bildirilir.

Hesabatda ABŞ-ın Cənubi Amerikadakı immiqrasiya, təhlükəsizlik və sağlamlıq problemlərinə diqqət ayıracağı, Konqreslə işləyərək Cənubi Amerika ölkələrinə 4 milyard dollarlıq dəstək göstəriləcəyi ifadə olunur.

Yaxın Şərqə baxış

Milli Təhlükəsizlik Konsepsiyasında ABŞ-ın Yaxın Şərqdə İsrailin təhlükəsizliyi ilə bağlı olacağı ifadə edilir.

Həmçinin bölgə ölkələri ilə İranın başqa ölkələrin süverenliyi və ərazi bütövlüyünə yönəlik təhdidlərinin cilovlanacağı, “Əl-Qaida” və İŞİD-ə qarşı mübarizə aparılacağı və regiondakı insan böhranına ABŞ-ın dəstək verəcəyi açıqlanır.

“Ancaq bölgənin problemlərinin həllinin hərbi gücdən istifadə olduğuna inanmırıq. Yaxın Şərqdə ABŞ-ın mənfəət və dəyərlərinə zidd siyasət izləyən ortaqlarımıza izn verməyəcəyik. Bu səbəbdən də ABŞ Yəməndəki dəstəyini çəkdi və BMT-nin burada müharibəni bitirmək cəhdlərinə dəstək verdi”,- sənəddə bildirilib.

ABŞ-ın nəticəsi olmayan və bitməyən müharibələrə trilyonlarla dollar xərcləməyəcəyini nəzərdə tutan sənəddə aşağıdakılara xüsusi yer verilir:

“Əfqanıstanın yenidən ABŞ istiqamətli terror hücumlarının etibarlı sığınacaq olmamasını təmin edərkən məsuliyyətli formada ABŞ Əfqanıstandakı uzun müharibəni başa çatdırmağı vacib sayır.

Ən güclü hərbi varlığımız Hindistan-Sakit okean bölgəsində və Avropada olacaq. Yaxın Şərqdəki terror şəbəkələrini pozmaq, İranın təcavüzünə maneə yaratmaq və ABŞ-ın digər maraqlarını qorumaq üçün lazımi güc saxlanılacaq”.

Keçici Milli Təhlükəsizlik Strategiyası sənədinə görə, Afrikada vətəndaş cəmiyyətinə, iqtisadi və səhiyyə qurumlarının inkişafı üçün yeni ortaqlara üstünlük veriləcək.

Öncə ABŞ-ın dünyadakı liderliyi

İttifaq və müttəfiqləri ilə bağlı ABŞ-ın beynəlxalq əməkdaşlığa önəm verəcəyi bildirilən sənəddə qeyd edilir ki, başda iqlim dəyişikliyi olmaqla qlobal problemlərin həlli üçün Vaşinqtonun beynəlxalq liderliyinin yenidən təsis olunacağı nəzərdə tutulur.

Diplomatiyanın hərbi gücdən istifadənin üzərində saxlanılacağına önəm verilən sənəddə “qlobal səviyyədə ABŞ maraqlarını qoruyarkən milli müdafiəmiz və ordumuzdan istifadə mövzusunda ağıllı, nizamlı addımlar atacağıq” ifadələrinə yer verilir.

Müdafiə büdcəsində əsgərlərə və ailələrinə xüsusi üstünlük veriləcəyini nəzərdə tutan sənəddə “Amerikanın müdafiəsi eyni zamanda müdafiə büdcəsində açıq prioritetlər irəli sürməkdir” ifadəsi qeyd edilib.

Ordunun qabiliyyəti və quruluşunun yenidən qiymətləndiriləcəyi bildirilən sənəddə Konqreslə əməkdaşlıq edərək gələcəkdə ordunun və milli təhlükəsizliyin avantajlı olmasını təmin etmək məqsədilə texnologiya və qabiliyyətlərə qaynaq vermək üçün ehtiyacı olmayan platforma və silahlara diqqət yetirilməyəcəyi qeyd edilib.

Xatırladaq ki, ABŞ-da hər prezident hakimiyyətə gəldikdən sonra “Milli Təhlükəsizlik Strategiyası” adlı sənədini cəmiyyətə təqdim edir.

Reyting.az




Bölməyə aid digər xəbərlər
bütün xəbərlər
{sape_links}{sape_article}