18:05 / 21-04-2021
Rusiya ABŞ-a nota verib
Hərbi qarşıdurma dəhşətli sonluqla yekunlaşa bilər - Politoloq
Tarix: 06-04-2021 13:32 | Bölmə: Slayd
Hərbi qarşıdurma dəhşətli sonluqla yekunlaşa bilər

“Ukrayna və Rusiya sərhədlərində baş verən lokal silahlı qarşıdurmalar, insan itkiləri, ordunun cəmləşdirilməsi müharibə öncəsi vəziyyəti xarakterizə edir. Müharibənin olub-olmayacağı isə gələcəyin işidir. Həqiqət budur ki, bu saat hamı Rusiyanın üzərinə düşüb və onu ram etməyə çalışır”.

Bunu Rusiya və Ukrayna arasındakı gərgin hərbi-siyasi vəziyyəti şərh edərkən politoloq Rüstəm Məmmədov Reyting.az-a deyib.

Politoloq bildirib ki, Rusiya prezidenti Vladimir Putin fürsətdən istifadə edib öz hakimiyyətinin ömrünü uzatmaq istəyir. Hətta bu yaxınlarda Rusiyada yeni qanunun qəbul olunduğuna diqqət çəkən R. Məmmədovun fikrincə, bu qanun Putinə imkan yaradır ki, növbəti dəfə prezident seçkilərində iştirak etsin. Onun fikrincə, bəlkə də Ukrayna-Rusiya gərginliyinə bu konteksdən də yanaşmaq lazımdır.

R. Məmmədov əlavə edib ki, qərb ölkələri Rusiyaya qarşı siyasi oyun qururlar: “Ancaq burada bir məqam nəzərə alınmalıdır. İndiki məqamda belə bir gərginlik Putin hakimiyyətinin də maraqlarına uyğundur. Əvvəla, Rusiyada Dumaya seçkilər keçiriləcək. Belə vəziyyət Putinə imkan verəcək ki, Rusiyada vətənpərvərlərin və rus millətçilərinin rəğbətini qazansın. Hesab edirəm ki, bu, kifayət qədər əsaslı arqument hesab oluna bilər.

Digər tərəfdən, yaranan vəziyyət imkan verir ki, Rusiya hökuməti əsas diqqəti xarici düşmənə yönəltsin və ölkə daxilindəki problemlərdən diqqət yayınsın. Məncə, bütün bunlar Rusiya hakimiyyəti üçün lazımlı gedişlərdir”.

R. Məmmədov qeyd edib ki, Donbas və ya Krım istiqamətində silahlı qarşıdurmanın böyüməsi beynəlxalq prosesə çevrilə, bunun nəticələri dəhşətli ola bilər. Odur ki, vəziyyətin nəzarətdən çıxması münasib deyil.

Ukraynanın maliyyə baxımından zəif olduğuna vurğulayan politoloq hesab edir ki, rəsmi Kiyevin hazırkı addımları ilə Rusiyadan nə qoparacağı bəlli deyil: “Ola bilsin, qarşıdurma hərbi səviyyəyə çatsın. Artıq Ukrayna prezidenti Zelenski bir neçə gündən sonra Türkiyəyə səfər edəcək. Qərb isə Rusiyaya qarşı duran istənilən şəxsi dəstəkləyəcək. İndiki halda hər şey vəziyyətin hansı istiqamətdə gedəcəyindən asılıdır”.

Reyting.az




Bölməyə aid digər xəbərlər
bütün xəbərlər
{sape_links}{sape_article}