40 minlik ordu Rusiya sərhədlərinə doğru irəliləyir
Tarix: 14-04-2021 10:42 | Bölmə: Slayd
40 minlik ordu Rusiya sərhədlərinə doğru irəliləyir

“ABŞ və NATO Rusiyaya qarşı təhdid xarakterli hərbi tədbirlər keçirir. ABŞ hərbi birlikləri Şimali Amerika bölgələrindən Atlantik okeanı üzərindən Avropaya göndərilir. Hərbi birliklərin Avropada Rusiya sərhədlərinə doğru hərəkəti davam edir. Bu birliklərin böyük hissəsi Qara dəniz və Baltik bölgəsində yerləşib”.

Reyting.az
xəbər verir ki, bunu Rusiya Müdafiə naziri Sergey Şoyqu deyib.

Müdafiə naziri əlavə edib ki, ABŞ və NATO-ya aid 40 min hərbçi və 15 min hərbi təchizatın Rusiya sərhədlərinə yaxın bölgələrdə yerləşdiriləcəyi gözlənilir.

ABŞ-ın Rusiya sərhədlərində kəşfiyyat fəaliyyətini və Arktikada hərbi varlığını artırdığına diqqət çəkən Şoyqu bildirib ki, Rusiya buna qarşı tədbirlər görür.

“Qış dövründə təlim və nəzarət təşkili çərçivəsində Qərb və Cənub hərbi birliklərində döyüş hazırlığı ilə bağlı qəfil yoxlamalar edilib. Üç həftə ərzində 2 hərbi hissə və 3 hava-desant qoşunu təlimləri uğurla keçirib. Rusiyanın qərb sərhədlərində də hərbi təlimlər keçirildi”,- Şoyqu bildirib.

Bu birliklərin təlimlərdə iştirak etdiyi və müharibəyə hazır olduqlarını qeyd edən Şoyqu deyib ki, Rusiyanın Şimal donanması Arktikadakı təhdidlərə qarşı da fəal iş aparır: “İki həftə ərzində rus ordusunda bütün təlim və işlərin sona çatdırılması planlaşdırılır”.

Onu da qeyd edək ki, S. Şoyqu aprelin 6-da Rusiya Silahlı Qüvvələrində müharibə hazırlığı əmri verildiyini, ölkədə mövcud olan poliqonlarda təlimlər keçiriləcəyini elan etmişdi.

Diqqətinizə çatdırırıq ki, bütün bu proseslər Rusiya-Ukrayna sərhədindəki hərbi-siyasi gərginliklər fonunda baş verir.

Reyting.az




Bölməyə aid digər xəbərlər
bütün xəbərlər
{sape_links}{sape_article}