Rusiya və Çin məcburi hərbi ittifaqa sürüklənir
Tarix: 03-05-2021 15:50 | Bölmə: Slayd
Rusiya və Çin məcburi hərbi ittifaqa sürüklənir

ABŞ prezidenti Baydenin açıqlamaları Rusiya və Çini məcburi ittifaqa daxil olmağa sövq edir. Bu ittifaqla ehtimal olunan qarşıdurma ABŞ üçün fəlakətə çevrilə bilər.

Reyting.az
xəbər verir ki, Baydenin Rusiya əleyhinə açıqlamaları “The National İnterest” hərbi analiz dərgisində təhlil olunub.

Dərgidəki məqalədə ABŞ lideri Baydenin Rusiya barəsində işlətdiyi açıqlamalar qiymətləndirilib, bu düşmən münasibətin Moskva və Pekini çətin ittifaqa məcbur etdiyi yazılıb. Nəzərə çatdırılıb ki, mümkün olan belə bir ittifaqla silahlı qarşıdurmaya getmək ABŞ üçün fəlakətə çevrilə bilər.

ABŞ prezidentinin Konqresdəki çıxışında Rusiya ilə münasibətləri daha da kəskinləşdirməyə çalışmadığı, lakin ehtimal olunan qarşıdurmanın Moskva üçün nəticələrinin olacağını və bir yandan da iki ölkənin maraqları adına əməkdaşlıq edə biləcəklərini söylədiyi xatırladılan məqalədə Baydenin bu sözlərlə Rusiya lideri Vladimir Putinə “son xəbərdarlıq” etdiyi bildirilib.

Münasibətlər pisləşərsə, ABŞ-ın həm Rusiya, həm də Çinlə iki cəbhədə mübarizəsinin real olacağının diqqətə çatdırıldığı məqalədə “Vaşinqton ABŞ-Çin-Rusiya strateji üçbucağının təməlindəki geopolitik riskləri nəzərdən qaçırmamalıdır. Çünki Bayden Moskva və Pekinlə dəyər münaqişəsi siyasətinə hazırlaşır”,- ifadələrinə yer verilir.

Məqalədə xatırladılır ki, ABŞ prezidenti Bayden Rusiya lideri Putinlə telefon danışığı zamanı rusiyalı vəzifədaşına üçüncü ölkədə görüşməyi təklif edib. Dövlət katibi Blinken isə önümüzdəki həftələrdə belə bir görüşün keçirilə biləcəyini diqqətə çatdırıb.

Kremlin sözçüsü Pesok isə Bayden-Putin görüşünün Vaşinqtonun atacağı addımlara bağlı olacağı mesajını verib.

Reyting.az




Bölməyə aid digər xəbərlər
bütün xəbərlər
{sape_links}{sape_article}