İsrail və İran müharibə astanasındadır - Sabiq müşavirdən xəbərdarlıq
Tarix: 07-05-2021 10:01 | Bölmə: Slayd
İsrail və İran müharibə astanasındadır - Sabiq müşavirdən xəbərdarlıq

İsrailin İranla müharibəsi üçün gerisayım başlayıb.

Reyting.az
“Foreign Policy”-yə istinadla xəbər verir ki, bu, Amerikanın Yəhudi Milli Təhlükəsizlik İnstitutunun baş elmi işçisi və vitse-prezident Dik Çeyninin keçmiş milli təhlükəsizlik müşaviri Con Hannanın fikridir.

Onun sözlərinə görə, İsrailin milli təhlükəsizlik işçilərindən ibarət olan heyət İranla nüvə anlaşmasına qayıtmaq niyyətində olan Bayden administrasiyası ilə görüşlər keçirib. Vaşinqtonla təmaslarında İsrail təmsilmiləri İranın 2030-cu ildə, müqavilənin sona çatmasına qədər nüvə silahı əldə edəcəyini iddia ediblər.

İsrail nümayəndə heyətinə Baş nazir Benyamin Netanyahunun milli təhlükəsizlik müşaviri Meir Ben-Şabbat, “Mossad” rəhbəri Yossi Koen, İsrail ordusunun (IDF) baş kəşfiyyat zabiti general Tamir Hayman və İsrailin İran strategiyasında məsul olan hərbi hava qüvvələri generalı Tal Kelman daxil olub.
Birlikdə və ayrı-ayrılıqda onlar ABŞ milli təhlükəsizlik məsləhətçisi Ceyk Sallivan, dövlət katibi Entoni Blinken, CIA direktoru Bill Börns və digər yüksək səviyyəli ABŞ rəsmiləri ilə görüşlər keçiriblər. Prezident C. Baydenin özü bir saatlıq müzakirə üçün Koenlə Ağ evdə görüşüb.

Con Hanna qeyd edir ki, İsrail nüvə sazişinə qayıdışı öz məhvinə doğru bir yol hesab edir. Buna görə də, ABŞ-ın tövsiyələrinə məhəl qoymayaraq, İrana sarsıdıcı zərbə vurmağı düşünür. “Kəşfiyyat naziri Eli Koen hələ keçən həftə “pis bir müqavilənin bölgəni müharibəyə sürükləyəcəyini” və İsrail bombardmançılarının “Yaxın Şərqin və əlbəttə, İranın hər yerə çata biləcəyini” iddia edib.

İsrail siyasətçiləri 2015-ci ilin nüvə razılaşmasına qayıtmanın İsraili dalana dirəyəcəyini və onu sərt addımlar atmağa məcbur edə biləcəyini deməklə kifayətlənmirlər. Bayden yanvar ayında vəzifəyə gəldikdən bir neçə gün sonra IDF Baş Qərargah rəisi Aviv Koçavi fövqəladə bir çıxış edərək nüvə sazişini canlandırmanın İsrailin təhlükəsizliyi üçün qəbuledilməz təhdid yaradacağını və IDF-ə İrana hücum planları hazırlamağı əmr etdiyi xəbərdarlığı edib.

İki ay sonra IDF-in İran strategiyasında məsul olan general Kelmandan İsrailin İranın nüvə obyektlərinə hücum edib tamamilə məhv etmək qabiliyyətinin olub-olmadığı soruşulub. O, tərəddüd etmədən cavab verib: “Bəli. Bu qabiliyyətləri işlək vəziyyətə gətiririk”.

“İsraillilər Baydeni razılaşmaya yenidən girməkdən çəkindirmək üçün blef edirmi? Dəqiq bilmə üçün bir yol yoxdur. Ancaq blef etdiyini düşünmürəm. İsrailin son bir neçə ildə İranın nüvə proqramını ifşa etmək və ləngitmək üçün həyata keçirdiyi gizli əməliyyatlar nüvə razılaşması ilə bağlı narahatlıqlarının ciddi şəkildə həll olunmayacağına və bunun əleyhinə nə dərəcədə qətiyyətli olduğunu göstərir: İranın nüvə təhlükəsinin qarşısını almaq üçün lazım olan hər şeyi etmək. Ən yaxşı müttəfiqi olan ABŞ israillilərin qarşısını almaq əvəzinə, İsrailin təkbaşına hərəkət etdiyinə dair fikri təsdiqləyəcək”.

Sonda analitik qeyd edir: “Bayden rəhbərliyinin bütün xoş niyyətlərinə baxmayaraq, Yaxın Şərqdə müharibə riski demək olar ki, indi daha da artır”.

Reyting.az




Bölməyə aid digər xəbərlər
bütün xəbərlər
{sape_links}{sape_article}