Ermənilər Qara göl ətrafında gərginlik yaradır
Tarix: 13-05-2021 19:42 | Bölmə: Slayd
Ermənilər Qara göl ətrafında gərginlik yaradır

Azərbaycan Ordusunun Zəngəzur bölgəsində irəliləyərək Qara göl istiqamətində dövlət sərhədlərini nəzarətə götürməsi Ermənistanda birmənalı qarşılanmayıb.

Reyting.az
xəbər verir ki, Ermənistan tərəfi bu əraziləri əsassız olaraq özününkü hesab edir və hazırda məsələ ilə bağlı Azərbaycan tərəfi ilə danışıqlar apardığını bildirir. Ermənistan Müdafiə Nazirliyi bəyan edib ki, hazırda qarşıdurma mövcud deyil və müzakirələr aparılır.

Gorusun meri Menua Ovsepyan isə erməni mediasına deyib ki, Qara göl Azərbaycanın nəzarətindədir: “Dünənki danışıqlar heç bir nəticə vermədi. Onlar ərazidə qalmaqda davam edirlər. Biz tərəfdən danışıqları Birinci Ordu Birləşməsi ilə Sərhəd Xidməti aparır”.

Ermənistanın Baş naziri səlahiyyətlərini müvəqqəti icra edən Nikol Paşinyan isə iddia edir ki, Azərbaycan hərbçiləri Ermənistan sərhədləri içərisinə doğru irəliləyir: “Dünən səhər Azərbaycan Silahlı Qüvvələri Qara göl hissəsində Ermənistanın dövlət sərhəddini keçib. Dünəndən bu yana ciddi bir dəyişiklik olmadı, vəziyyət eyni olaraq qalır”.

Qara göldə Azərbaycan əsgərləri ilə yanaşı erməni əsgərlərinin də olduğunu bildirən Paşinyan əlavə edib ki, vəziyyət hərbi qarşıdurmaya çevrilməyib: “Azərbaycan əsgərlərinin bu ərazidən çıxarılması üçün iş aparılır. Azərbaycan tərəfi hansısa xəritələrə istinad edir və sübut etməyə çalışır ki, ərazi Azərbaycan sərhədləri içərisindədir. Amma Sovet dövründə rəsmi olaraq təsdiqlənmiş xəritələrlə bunu asan müəyyən etmək olar”.

Baş nazir əvəzi söyləyib ki, böhranla qarşılaşdıqları üçün vəziyyətə ciddi yanaşmaq lazımdır: “Əlavə inkişaf üçün bir neçə ssenari ola bilər. Bizim vəzifəmiz Ermənistanın suveren ərazisinin toxunulmazlığını və Azərbaycan Silahlı Qüvvələrinin irəliləməyə başladıqları mövqelərə, yəni 10 mayda olduqları mövqelərə çəkilməsini təmin etməkdir”.

Paşinyan əlavə edib ki, hökumət iclasından sonra Ermənistan Təhlükəsizlik Şurasının iclasını keçirəcək: “Bu, ən azından çox ciddi qəbul edilməsi lazım olan vəziyyətdir. Qətiyyətlə hərəkət etmək lazımdır, prinsipcə dövlət orqanları öz fəaliyyətlərini koordinasiya etməli, vəziyyəti həll etmək üçün yüksək səviyyədə əməkdaşlığı təmin etməlidirlər. Hər iki tərəfin əvvəlki mövqelərinə qayıtmasını istəyirik”.


O. Qasımov

Siyasi analitik Oqtay Qasımov Reyting.az-a deyib ki, Azərbaycan Ordusunun Qara göl istiqamətində sərhədlərin müəyyənləşdirilməsinə dair atdığı addımlar doğrdur: “Sərhəd Xidmətimizin hərbi birləşmələri həm Ermənistan, həm də Rusiyanın bölgədə olan sərhədçilərinə konkret sənədlər təqdim ediblər. Ermənilərin iddia etdiyi Qara göl ərazisi bir vaxtlar zəbt olunub. 1970-ci illərdə buraları zəbt etmişdilər, heç bir sənədləşmə işi də aparılmayıb. İndi Azərbaycan haqlı olaraq o dövrə aid rəsmi sənədləri və xəritəni ortaya qoyaraq sərhədlərin dəqiqləşdirilməsi işini aparır. Bunlar haqlı və doğru addımlardır. Çünki Zəngəzurla sərhəddə xeyli mübahisəli ərazilər var ki, vaxtı ilə ermənilər öz havadarlarının köməyi ilə oranı zəbt ediblər. Amma bunlar sənədlərdə öz təsdiqini tapmayıb. Ordumuz da üzərinə düşəni həyata keçirərək Azərbaycanın beynəlxaq səviyyədə tanınan sərhədlərini bərpa edir”.

Siyasi analitik əlavə edib ki, Qara göllə bağlı Ermənistan tərəfində müşahidə olunan ajiotaj Azərbaycanı maraqlandırmır.

O. Qasımov söyləyib ki, Azərbaycan tərəfinin addımları qanuna və hüquqa söykəndiyindən hər hansı bir qarşıdurma yaranmayacaq:

“Əvvəla, bu istiqamətdə Ermənistanın bizim qarşımızda durmaq üçün nə siyasi, nə hüquqi, nə də hərbi baxımdan imkanı yoxur. Erməni tərəfi də deyir ki, Azərbaycan tərəfi onlara xəritə təqdim edib və sərhədlərin müəyyənləşdirilməsi də GPS vasiəsilə aparılır. Dəqiqləşirilmiş hissələrdə bizim ordumuzun postları yerləşir. Sadəcə, indi Ermənistanda yaşananlar təbliğat-informasiya xarakterlidir. Biz isə doğru olanı etməliyik. Başqa sözlə, hələ Sovet dövründə təsdiqlənən xəritələrlə bizə məxsus olan ərazilərdə bizim əsgərimiz dayanmalıdır”.

Reyting.az




Bölməyə aid digər xəbərlər
bütün xəbərlər
{sape_links}{sape_article}