“Ermənilər revanşist fikirlərdən daşınmalıdır. Müharibə başlasa...” - Professor
Tarix: 13-05-2021 20:00 | Bölmə: Slayd
“Ermənilər revanşist fikirlərdən daşınmalıdır.  Müharibə başlasa...”

“Şuşa şəhərində “Xarıbülbül” musiqi festivalının keçirilməsi Azərbaycan dövlətçiliyinin təntənəsidir. Bu böyük hadisədir. Biz erməniyə qalib gəlmişik və musiqi yarışması keçirib, Şuşada atəşfəşanlıq edirik”.

Bunu Reyting.az-a professor Rüstəm Məmmədov deyib.

Onun sözlərinə görə, ermənilər bunu açıq-aşkar müşahidə edir: “Onlar başqa hərəkət edə bilməzlər. Bilirlər ki, dəmir yumuruq bir daha onların başına dəysə, daha erməni dövləti olmayacaq. Ona görə, yaxşı düşünsünlər...”.


R. Məmmədov

Rüstəm Məmmədov əlavə edib ki, Şuşada keçirilən “Xarıbülbül” musiqi festivalı, səsləndirilən milli musiqi parçaları, eləcədə atəşfəşanlıq Xankəndində yaşayan ermənilərin gözü önündə baş verir: “Ermənilər bundan nümunə götürməli, revanşist və axmaq fikirlərdən xilas olmalıdırlar. Anlamalıdırlar ki, Azərbaycansız ermənilərin gələcək həyatı yoxdur. Bu reallıqları qəbul etməlidirlər. Başqa yol yoxdur”.

Professorun fikrincə, indi Ermənistan ictimai rəyi və düşüncə sistemi məntiq haqqında fikirləşməlidir: “Mənə elə gəlir ki, onlar bu saat revanşist düşüncələrdən xilas olmalıdır. Bəli, onlar 100 ildən çoxdur ki, azərbaycanlıların hissləri ilə oynayırdılar. Bu da sonsuz ola bilməzdi. Sözsüz ki, günün birində buna yekun vurulmalı idi. İndi ağılları başlarına gəlsin. Ehtimal edirəm ki, orada revanşist çağırışlar, anti-insani fikirlər tədricən aradan qalxacaq. Onlar başa düşürlər ki, Azərbaycanla münasibətləri düzəltmədən Ermənistanın gələcəyi olmayacaq. Həm də revanşist fikirlər nəticə olaraq müharibə deməkdir. Bu halda biz Yerevana qədər gedib çıxa bilərik. Onlar oturub düşünsünlər”.

Reyting.az




Bölməyə aid digər xəbərlər
bütün xəbərlər
{sape_links}{sape_article}