“Şuşa Bəyannaməsi Turanın qurulacağını gündəmə gətirdi” - Politoloq
Tarix: 17-06-2021 13:10 | Bölmə: Slayd
“Şuşa Bəyannaməsi Turanın qurulacağını gündəmə gətirdi”

“Şuşa Bəyannaməsi son 100 ildə Türkiyə ilə Azərbaycan arasında imzalanan ən gözəl sənəddir. Rəsmi olaraq Azərbaycan dövləti Türkiyə ilə təkcə qardaşlıq deyil, digər istiqamətlərdə də bir araya gəlib. Bəyannamənin Şuşada imzalanması da təsadüfi deyil. Şuşadan imzalanma və verilən mesajlar önəmli siyasi məna daşıyır”.

Bunu Reyting.az-a politoloq Cümşüd Nuriyev Şuşada Azərbaycan və Türkiyə dövlət başçılarının imzaladığı Bəyannamənin siyasi əhəmiyyətinə toxunarkən deyib.


C. Nuriyev

Politoloq bildirib ki, sənəd bir sıra istiqamətləri əhatə edir: “İqtisadi, siyasi, hərbi, ideoloji, mənəvi, təhsil, mədəniyyət, elm və s.

Birincisi, Azərbaycan və Türkiyə arasında hərbi məsələlər müstəvisi gündəmə gəldi. Azərbaycan artıq müdafiə sənayesi istiqamətində önəmli rol tutacaq. Ölkəmizdə dronlardan tutmuş digər aparatlar istehsal ediləcək.

İkincisi, Azərbaycan bu sənədi imzalamaqla NATO-nun dəstəyini qazandı. Çünki Türkiyə NATO üzvüdür. Türkiyə prezidentinin dünyaya mesaj verməsi, 44 günlük müharibə dövründə birmənalı yanımızda olması bu baxımdan da əhəmiyyətlidir.

Üçüncüsü, Şuşada Türkiyənin Baş konsulluğunun açılması həm də Şuşanın beynəlxalq hüququn müstəvisinə gətirir. Vyana Konvensiyasına görə, hər hansı bir dövlətin ərazisində başqa bir ölkənin ərazisində səfirliyi və ya konsulluğu açılırsa, həmin ərazi o dövlətin də nəzarəti altına keçir. Başqa sözlə, biz Şuşanı həm də qarantiyaya aldıq.

Dördüncüsü, Azərbaycan öz müstəqilliyini əbədiləşdirdi. Bu Bəyannamə həm də bu baxımdan əhəmiyyətlidir.

Beşinci, Zəngəzur dəhlizinin açılmasına dair qərar vardı və Türkiyə bu qərarda tərəf deyildi. Həmin sənəd Azərbaycan, Rusiya və Ermənistan arasında imzalanmışdı. İndi Şuşa Bəyannaməsində də Zəngəzur dəhlizi məsələsi qoyulur.

Bu, həm də Türk dünyansının yeni formasının yaranmasıdır. Artıq istəsələr də, istəməsələr də Şuşa Bəyannaməsi Turanın qurulacağını gündəmə gətirdi.

Sənəddə həm də iqtisadi münasibətlərdən bəhs edilir, yaxın illərdə ticarət dövriyyəsinin 15 milyard dollara çatdırılması nəzərdə tutulur.

Bir sözlə, iki qardaş ölkə arasında yaxınlaşma prosesi daha da inkişaf edəcək”.

Reyting.az




Bölməyə aid digər xəbərlər
{sape_links}{sape_article}