Rusiya yenidən güc nümayişinə başlayır: döyüş texnikaları hazır vəziyyətə gətirilib - Fotolar
Tarix: 19-07-2021 12:26 | Bölmə: Slayd
Rusiya yenidən güc nümayişinə başlayır: döyüş texnikaları hazır vəziyyətə gətirilib

Putinin NATO və dünyaya “Nə qurudan, nə havadan, nə də dənizlərdən üzərimizə gəlməyin”,- mesajını verdiyi Rusiya Dəniz Qüvvələr Günü öncəsi ən son texnologiyalı hərbi gəmiləri döyüşə hazır vəziyyətə gətirilib.

Reyting.az
xəbər verir ki, qırıcı təyyarələrin, hərbi helikopterlərin, mina təmizləyən hərbi gəmilərin, sualtı qayıqların güc nümayişinə hazırlanması təsadüfi deyil.

Rusiyanın ikinci böyük liman şəhəri Sankt-Peterburq iyulun 25-də Rusiya Dəniz Qüvvələri Günündə dünyaya mesaj verməyə hazırlaşır. İndi şəhərdə bununla bağlı son hazırlıqlar görülür.

İyulun son bazar günü qeyd ediləcək milli bayramla bağlı ən son texnologiyaya sahib hərbi gəmilər, silahlar və təyyarələr nümayiş olunacaq.



Xatırladaq ki, 2006-cı ildən bu yana Rusiyada hər il iyulun sonuncu bazar günü Rsiya Dəniz Qüvvələri Günü qeyd edilir. Bu çərçivədə Şimal dənizi, Baltik dənizi, Qara dəniz və Xəzər dənizi donanmalarının yerləşdiyi ərazilərdə xüsusi tədbirlər keçirilir.

Putin əvvəlki illərdə Dəniz Qüvvələri Günü tədbirlərində Rusiyanın sadəcə quruda və havada deyil, dənizdə də super güc olduğunu elan etdirmişdi. Rusiya lideri bu gündən NATO və dünyaya mesaj və gözdağı vermək üçün istifadə edir. Putin Rusiyası bununla da “Nə qurudan, nə havadan, nə də dənizdən üzərimizə gəlməyin”, - mesajını verir.

Onlarla hərbi gəmi, sualtı qayıq, qırıcı təyyarə və müxtəlif model helikopterlərin iştirakı ilə keçiriləcək hərbi təlimin hazırlıq fotolarını TASS agentliyi yayıb. Fotolardan bəlli olur ki, iyulun 25-də hərbi gəmilər Neva çayından və Kronstadt limanı boyunca açılış mərasiminə başlayacaq.

Sualtı qayıqlar, raket daşıyan və mina təmizləyən gəmilərlə yanaşı qırıcı təyyarələr də dünən Finlandiya körfəzində hazırlıq tədbirlərinə cəlb edilib.



Məlumat üçün qeyd edək ki, bu ilin 25 iyulunda keçiriləcək Donanma Günü 1980-cı illərdə SSRİ tərəfindən ləğv edilsə də, 2006-cı ildə Putin yenidən bu günü qeyd etmək qərarı verib.

İlki məlumatlara görə, Donanma Günü ilə bağlı tədbirlərə Baltik, Qara dəniz, Şimal dənizi, Sakit okean donanması ilə yanaşı Xəzər donanması da cəlb olunacaq. Həmçinin prezident Putin Senato meydanında hərbçiləin iştirakı ilə şərəf törəninə qatılacaq, bunun ardınca Rusiya vətəndaşlarına xitab edəcək.

Böyük tədbirə hazırlıq məqsədilə ən azından iki xüsusi hazırlıq missiyası həyata keçirilib. Ötən çərşənbə günü rus hərbi gəmiləri Finlandiya körfəzində sıraya düzülüb.

Rusiya Müdafiə Nazirliyi tərəfindən verilən açıqlamada “Neva çayındakı ana dəniz tədbirinə qatılacaq gəmilərin geçid formasını Finlandiya körfəzində həyata keçirdik”,- ifadəsi yer alıb.



Reyting.az




Bölməyə aid digər xəbərlər
bütün xəbərlər
{sape_links}{sape_article}