200 min əsgər, 80 qırıcı və 300 tank sərhəddə cəmləşib - Fotolar
Tarix: 13-09-2021 13:19 | Bölmə: Slayd
200 min əsgər, 80 qırıcı və 300 tank sərhəddə cəmləşib

Rusiya və Belarusun 200 min hərbçi, 80 qırıcı və yüzlərlə texnikanın iştirakı ilə “Qərb-2021” təlimlərini Qərb ölkələri yaxından izləyir.

Reyting.az
xəbər verir ki, Qazaxıstan və Tacikistanın da iştirak etdiyi təlimlərdə Rusiyaya aid “S-30” və “SU-25” qırıcı təyyarələri, “Mİ-8” helikopterləri də iştirak edir.

Rusiya və Belarusun Baş Qərargah rəislərinin təlimləri şəxsən izlədikləri bildirilir.



Bundan başqa, Rusiyanın Belarusa 1 milyard dollar dəyərindən artıq silah satışı Avropanın getdikcə artan müharibə təhlükəsi riskini yenidən gündəmə gətirib. Belarus KİV-lərinin məlumatına görə, prezident Lukaşenko Rusiyadan “S-400” raket kompleksi almaq üçün müzakirə aparıb.

Hazırda yanacaq sıxıntısı çəkən Belarusa Avropa ilə sərhədlərində müşahidə uçuşları həyata keçirməsi üçün Rusiyanın təyyarələr tədarük edəcəyi də deyilir.

Belarusun Qərbdə qeyri-stabillik yaratmaq məqsədilə İran və İraqdan gələn qaçqınları qanunsuz yolla Avropa Birliyi sərhədlərinə sızdırmasını stimullaşdırması da hazırda Baltik ölkələrində və Polşada narahatlıq yaradıb.



“Hazırda sərhəd böhranı var. NATO ölkələrinin sərhədlərindəki böyük hərbi kampaniya davam edir”, - bunu Latviyanın Xarici işlər naziri Edqars Rinkeviks “Qərb-2021” hərbi təlimlərindən danışarkən bildirib. Rinkeviks deyib ki, Latviya, Estoniya və Polşa sərhəd mühafizəsini və hərbi imkanlarını artırıblar: “Sözsüz ki, bu vəziyyət qarşıdurma riskini artırır”.

Rusiya Müdafiə Nazirliyi isə elan edir ki, təlimlərdə 200 min hərbçi, 80 təyyarə, 15-dən çox hərbi gəmi və 300-dən çox tank iştirak edir. Ermənistan, Hindistan, Qazaxıstan, Qırğızıstan və Monqolustan da bu təlimlərdə təmsil olunur. Təlimlərdə real mərmilər və raketlərdən istifadə edilir.

Rusiyanın ordu kanalı “Zvezda” hərbi gəmilərlə yanaşı Belarus və rus qırıcılarının hava manevrlərini göstərir. Təlimlərin Belarusun Brest və Rusiyanın Kalininqrad şəhəri yaxınlığında keçirilməsi isə Avropaya açıq mesaj sayılır. Çünki bu iki şəhər məhz Avropanın mərkəzlərindən hesab olunur.

Rusiya hərbi təlimlərin müdafiə xarakterli olduğunu açıqlasa da, Belarusun Baş Qərargah rəisi Viktor Guleviç “Qərb-2021”in Qərb ölkələrini hədəf alan bir siqnal olduğunu deyir.



Reyting.az




Bölməyə aid digər xəbərlər
{sape_links}{sape_article}