08:23 / 21-10-2021
Azad Zəngilan - Fotolar
Nigeriyalı kral Tiflisin meri olmaq istəyir - Foto
Tarix: 25-09-2021 16:27 | Bölmə: Slayd
Nigeriyalı kral Tiflisin meri olmaq istəyir

Oktyabrın 2-də Gürcüstanda keçiriləcək yerli özünüidarəetmə seçkilərində olduqca ilginc namizəd də mübarizə aparacaq.

Reyting.az
xəbər verir ki, illər əvvəl Gürcüstanda yerləşən və “İbo qəbiləsinin kralı” kimi tanınan nigeriyalı Arinz Riçard Ogbunuju bələdiyyə başçısı olmaq istəyir.

Tiflisin bələdiyyə sədri olmaq üçün mübarizəyə başlayan nigeriyalı kral seçkilərdə qalib gələcəyi təqdirdə Gürcüstan paytaxtına xarici sərmayədarları cəlb edəcəyini bldirib.

Gürcüstan tarixində ilk dəfə nigeriya əsilli qaradərili biznesmen oktyabrın 2-də Tiflisin bələdiyyə sədri olmaq üçün digər rəqibləri ilə amansız seçki yarışına hazırlaşır.

Gürcüstan Mərkəzi Seçki Komissiyasının internet saytındakı məlumata görə, müxalifət partyası “Bizim Birləşmiş Gürcüstan” tərəfindən namizədliyi Tiflis bələdiyyə sədrliyinə verilən bu ölkənin vətəndaşı Ogbunuju yerli və xarici medianın diqqət mərkəzindədir.



Gürcüstanda parfum biznesi ilə məşğul olan nigeriyalı kral daha sonra ikinci əl avtomobil biznesinə başlayaraq işini genişləndirib. Hazırda bu şəxs bir sıra istiqamətlərdə bizneslə məşğuldur və gürcü dilini yüksək səviyyədə öyrənib.

25 il bundan əvvəl Gürcüstanda yaşamağa qərar verən Ogbunuju siyasətə qatılmaq istəyi ilə bağlı maraqlı fikirlər işlədib.

“Gürcüstana 1996-cı ildə gəldim, gürcü xanımla evləndim və üç uşağımız var. Bu ölkə mənim üçün qürbət deyil. 4 il əvvəl Gürcüstan vətəndaşlığını aldım. Mən burada gürcülər kimi yaşayıram”,- deyə Ogbunuju bildirib.

Ogbunuju əlavə edib ki, Nigeriyada xalqı ona illər əvvəl “İbo qəbiləsinin kralı” ünvanını verib: “Xalqım mənə bu adı verdi. Tiflisin bələdiyyə sədrliyi uğrunda mübarizə aparıram. Mən siyasətçi deyiləm, sıradan bir iş adamıyam. Günlük ictimai nəqliyyatdan istifadə edirəm, xalqın arasındayam və onların nə istədiklərini çox yaxşı bilirəm”.




Bölməyə aid digər xəbərlər
{sape_links}{sape_article}