11:29 / 07-12-2021
Azərbaycan nefti bahalaşır
Paşinyan Rusiya vasitəçiliyini Avropa ilə əvəz etmək istəyir
Tarix: 24-11-2021 13:50 | Bölmə: Slayd
Paşinyan Rusiya vasitəçiliyini Avropa ilə əvəz etmək istəyir

Rusiya və Azərbaycan prezidentləri Vladimir Putin və İlham Əliyev, həmçinin Ermənistanın baş naziri Nikol Paşinyan noyabrın 26-da Soçidə ötən il noyabrın 9-da üçtərəfli bəyanatın imzalanmasının ildönümünə həsr olunmuş üçtərəfli danışıqlar aparacaqlar. Görüş Rusiya dövlət başçısının təşəbbüsü ilə olacaq. Reyting.az xəbər verir ki, bu barədə Kremlin mətbuat xidməti məlumat yayıb.

“Üç ölkə liderinin 9 noyabr 2020-ci il və 11 yanvar 2021-ci il tarixli sazişlərinin icrasına baxılması, o cümlədən regionda sabitliyin möhkəmləndirilməsi və dinc həyatın bərqərar olunması üçün gələcək addımların müəyyənləşdirilməsi planlaşdırılır”, - deyə məlumatda bildirilir.

Liderlər “ticarət, iqtisadi və nəqliyyat əlaqələrinin bərpası və inkişafına” xüsusi diqqət yetirəcəklər.

Kreml aydınlaşdırıb ki, Putin üçtərəfli danışıqlardan əlavə, eyni gündə Əliyev və Paşinyanla ayrıca görüşəcək.

Xatırladaq ki, bir qədər əvvəl Avropa İttifaqı Şurasının prezidenti Şarl Mişel İlham Əliyevlə Nikol Paşinyanın dekabrın 15-də Brüsseldə keçiriləcək Şərq Tərəfdaşlığı sammiti çərçivəsində görüşəcəyini bildirmişdi.


İqor Korotçenko

“Natsionalnaya Oborona” jurnalının baş redaktoru, ekspert İqor Korotçenkonun “Vestnik Kavkaza”nın müxbirinə müsahibəsində qeyd etdiyi kimi, Soçidə görüşün təşkili İrəvanın açıq-aşkar Rusiya vasitəçiliyini Avropa ilə əvəz etmək cəhdindən sonra gözlənilirdi.

“Ermənistan son bir il ərzində üçtərəfli noyabr bəyanatına əsasən heç nə etməyib və sənədin imzalanmasının ildönümündə - düz iki həftə əvvəl, noyabrın 9-da baş tutmalı olan sammitdə iştirak etmək dəvətinə məhəl qoymayıb. Aydındır ki, Paşinyan Brüsselə atılmaq qərarına gəldikdən sonra Moskva bu görüşün Rusiyada keçirilməsini təmin etmək üçün müvafiq diplomatik rıçaqlara basıb”, - deyə Korotçenko bildirib.

"Biz görürük ki, Nikol Paşinyan indi eyni vaxtda üç kresloda əyləşmək istəyir: Avropa, Amerika və Rusiya. Ona görə də indi Moskva bütün nüfuzundan istifadə edərək İrəvanı özünü konstruktiv aparmağa və hər şeydən əvvəl noyabrda müəyyənləşdirilən üçtərəfli bəyanatdan irəli gələn tələbləri yerinə yetirməyə məcbur etməyə çalışacaq", - jurnalın baş redaktoru bildirib.

"Bu baxımdan, yəqin ki, danışıqların gündəliyinə Azərbaycanla Ermənistan arasında sərhədin delimitasiyası və demarkasiyası, həmçinin Zəngəzur nəqliyyat dəhlizinin açılması kimi məsələlər daxil olacaq. Rusiyaya stabil Cənubi Qafqaz lazımdır, o, münaqişənin həllinə çalışır. Bu, Rusiyanın Cənubi Qafqazda sülh və sabitliyə əsaslanan maraqlarını müdafiə etmək üçün sistemli, planlı yanaşmadır”, - deyə İ. Korotçenko yekunlaşdırıb.




Bölməyə aid digər xəbərlər
bütün xəbərlər
{sape_links}{sape_article}