Ruslar SSRİ haqqında: gənclərin bilgisi yox, 45 yaşdan yuxarı olanlar isə...
Tarix: 07-12-2021 11:33 | Bölmə: Slayd
Ruslar SSRİ haqqında: gənclərin bilgisi yox, 45 yaşdan yuxarı olanlar isə...

Rusiyada keçirilən ictimai rəy sorğusu 1991-ci ildə dağılan Sovet Sosialist Respublikaları İttifaqının (SSRİ) yeni nəsil tərəfindən unudulmağa başlandığını göstərib.

Reyting.az
xəbər verir ki, Rusiya cəmiyyətinin 20 faizi qısaldılan “SSRİ” sözünün baş həriflərinin hansı məna verdiyinə dair bilgilərə malik deyil.

Rusiyanın “VTsIOM” araşdırma mərkəzinin keçirdiyi rəy sorğusunda 600 min insanın iştirak etdiyi bildirilir.

Sorğuya qatılanların 100-də 11-i “SSRİ” ifadəsinin hansı məna verdiyini bilmədiyini deyib, 8 faizlik qrup “SSRİ” ifadəsinin mənasını bilsə də, yanlış xatırladığını qeyd edib. Məhz bu iki qrupun 18-24 yaş arasında olması xüsusi diqqət çəkib.

Araşdırmaya Sovetlər Birliyini təşkil etmiş 15 respublika haqqında məlumatlar da daxil edilib. Amma sorğuda iştirak edənlərin yalnız 6 faizi 15 respublikanın adını sadalaya bilib. 35 yaşdan aşağı olanların yarısı və bütün iştirakçıların 27 faizi hər hansı bir respublikanın adını çəkməkdə çətinliklə üzləşib.

Sorğuda iştirak edənlər arasında SSRİ haqqında müsbət fikirlər işlədənlər də var. İştirakçıların 21 faizi hesab edir ki, onlar üçün SSRİ “sabitlik, sülh və daha parlaq gələcək ümidi” olub. Bu rəydə olanların əksəriyyəti 45 yaş üstündədir və ali təhsilli olmaları diqqət çəkib.

Sosioloji sorğuda iştirak edənlərin 13 faizi SSRİ-nin “müsbət duyğular və xoş anlar” doğurduğunu deyib.

Respondentlərin 5 faizi SSRİ-ni “qıtlıq və uzun növbələr mərhələsi” adlandıraraq mənfi yanaşıb.

İştirakçıların cəmi bir faizi SSRİ-ni basqı, terror və düşərgələrlə əlaqələndirib.

Rusiyada keçirilən bu sorğu ilk baxışdan mənasız görünsə də, əslində ciddi addım sayılmalıdır. Çünki Rusiya siyasətçiləri arasında SSRİ-nin bərpası üçün çağırışlar hər zaman olub. Soğru göstərir ki, Rusiyada SSRİ-ni qurmaq eşqi ilə yaşayanlar hələ də var.




Bölməyə aid digər xəbərlər
bütün xəbərlər
{sape_links}{sape_article}