Politoloq: “Qazaxıstanda dövlət binalarını yandıranlar, qazaxları öldürənlər ermənilər olub”
Tarix: 10-01-2022 13:05 | Bölmə: Slayd
Politoloq: “Qazaxıstanda dövlət binalarını yandıranlar, qazaxları öldürənlər ermənilər olub”

“Neçə gündür ki, hamı kimi Qazaxıstanla maraqlanıram. Qazaxıstan parlamentinin deputatı olan bir nəfərlə uzun illədir ki, münasibətim var. Nəhayət onunla əlaqə saxlaya bildim. Həmin şəxs dedi ki, Qazaxıstandakı hadisələri Rusiya təhlükəsizlik orqanları planlaşdırıb. Onlar bu planı Qazaxıstan Milli Təhlükəsizlik Komitəsinin sədri Kərim Məsimovun xətti ilə həyata keçiriblər. Bura Qazaxıstan Daxili İşlər Nazirliyi və Baş prokurorluq da əlavə ediləcək. Deməli, bu üç qurum prosesi hazırlayıb. Əsas məqsəd də Nazarbayevin nəzarətində olan biznesi ələ keçirmək olub. Əslində bu, korrupsiya mexanizmidir. Rusiya tərəfindəndə bu prosesdə Marqarita Simonyan iştirak edib”.

Bunu Reyting.az-a açıqlamasında sabiq nazir müavini, politoloq Cümşüd Nuriyev deyib.

C. Nuriyev iddia edir ki, bir vaxt Qarabağda Azərbaycan əsgərlərini vuran snayperçiləri Qazaxıstana aparıblar: “Simonyan düşünür ki, Türkiyəyə gücümüz çatmır, Azərbaycandan da qisasımızı ala bilməmişik. İmkan düşübsə, qazaxlardan əvəz çıxacaq. Orada vurulanların hamısı alnından güllələnib. Bunu mənə Qazaxıstan parlamentinin milli təhlükəsizlik komitəsinin üzvü olan deputat dedi. Sadəcə, təhlükəsizlik baxımından onun adını çəkə bilmirəm”.

Politoloqun sözlərinə görə, deputat və elmlər doktoru olan qazaxıstanlı dostu ona deyib ki, baş verən cinayətlərdə ermənilər xüsusi icraçılar olublar: “Hadisələrin planlaşdırılmasına və işlərin həyata keçirilməsinə 1936-1938-ci illərdə Qazaxıstanın I katibi olmuş Mirzoyanın nəticəsi rəhbəlik edib. Hadisələr zamanı orada qırmızı gödəkçədə gəzənlər hamısı erməni olub. Onlara güllə dəyməsin deyə qırmızı gödəkcələr geyindiriblər. Hökumət binalarını yandıranlar, polisə atəş aşanlar da ermənilər olub. Milli ruhlu qazaxları da onlar öldürüb. 1990-cı ildə Bakıdakı qırğınları ermənilərin əli ilə törətdikləri kimi Qazaxıstanda da bu prosesə Rusiya təhlükəsizlik orqanları rəhbərlik edib, icraçılar isə ermənilərdir.

Xüsusi hazırlanmış qadınlar da Qazaxıstana göndərilib. Onlardan biri həbs edilib. Həmin qadını sonradan qaçırıblar ki, rusların əlinə keçməsin. Bu informasiya heç harada yoxdur, istintaqın ilkin nəticələrinin elan olunmasına da ruslar imkan vermir. Qazaxıstan rəhbərləri də tamamilə sülhməramlı kontingentin komandanının nəzarətindədir”.

C. Nuriyev əlavə edib edib ki, sabiq prezident Nazarbayev hazırda ölkədədir və Astanadalı bunkerdə yerləşdirilib.

Qazaxıstanda baş verən hadisələrdə ermənilərin xüsusi rol oynadığını bildirən C. Nuriyev qeyd edib ki, Rusiya heç bir ölkədə milli sahibkarların olmasını istəmir: “Elə bu səbəbdən korrupsiya Rusiya da daxil olmaqla əksər ölkələrdə mövcuddur. Biz də ehtiyatlı olmalıyıq. Son olaylar Rusiyanın yeni ssenarisidir. Bunu həyata keçirmək üçün “beşinci kolon” nümayəndələrinin köməyindən də istifadə edirlər. Gələcəkdə ruslar digər ölkələrdə də bunu etmək üçün “milli satqınlar”ın köməyindən yararlanacaq”.




Bölməyə aid digər xəbərlər
bütün xəbərlər
{sape_links}{sape_article}