18:55 / 19-05-2022
Xalq artisti vəfat edib - Foto
Rusiyalı oliqarxların Putinlə bağlı gizli səs yazısı yayılıb
Tarix: 14-05-2022 13:32 | Bölmə: Slayd
Rusiyalı oliqarxların Putinlə bağlı gizli səs yazısı yayılıb

Rusiya-Ukrayna müharibəsi 80-ci günə qədəm qoyub. İşğalın ilk günündən qərar və açıqlamaları ilə gündəmə gələn Rusiya prezidenti Vladimir Putin indi daha çox səhhətindəki problemlər səbəbindən müzakirə olunur. Son günlər ələ keçən gizli səs yazısı isə çoxlarını təəccübləndirir.

Reyting.az
xəbər verir ki, Vladimir Putinin səhhəti ilə bağlı xəbərlər Ukrayna müharibəsi başlamazdan xeyli əvvəl müzakirə predmeti olub. Ancaq son iki ay yarım ərzində - müharibənin qızğın vaxtlarında dəfələrlə kameralar qarşısına çıxmaq məcburiyyətində qalan Rusiya liderinin davranışı və sağlıq durumu mütəxəssislərin diqqətini daha çox cəlb edib.

Qərb sərmayədarı tərəfindən ələ keçirilərək “New Lines” jurnalına göndərildiyi deyilən gizli səs yazısında danışan iki rusiyalı oliqarxdan biri Putinin qan xərçəngi olduğunu deyir.

Rusiyalı oliqarx bildirir ki, Putinin COVİD-19-la bağlı gördüyü tədbirlər və ona baş çəkən insanları oturtduğu uzun masalar onun əməliyyat olunduğunu və müalicə prosesi keçdiyini göstərir.



Bildirilir ki, Ukraynaya hücum başlayandan Putin həm axsayır, həm də əlləri titrəyir, oturduğu masaların kənarından tutaraq şəkil çəkdirir...

Kremllə yaxın əlaqələri olan və kimliyini qorumaq üçün “Yuri” adlandırılan oliqarxın iddiasına görə, Putinin əziyyət çəkdiyi sağlamlıq problemləri qan xərçəngi ilə bağlıdır.

Putini Ukrayna müharibəsi səbəbindən qınayan oliqarx Rusiya liderinin xərçəngdən və ya yaxınlarına görə aldığı zərbədən öləcəyini deyib.

“New Lines” jurnalına danışan mütəxəssisin fikrincə, belə simptomların və Putinin COVİD-19-a qarşı həddindən artıq ehtiyatlı davranması qan xərçəngindən müalicənin əlaməti ola bilər. Buna Putinin belindəki problemlər də nümunə göstərilir.

Xatırladaq ki, Rusiya lideri 2021-ci ilin oktyabrında belindən əməliyyat olunub. Putinin getdikcə şişən üzü sağalma zamanı steroid istifadəsinin əlaməti kimi qeyd olunur və onun axsaması şübhə doğurur.

Qeyd edək ki, digər mənbələr 69 yaşlı Putinin Parkinson xəstəsi olduğunu iddia edirlər.

Kreml Putinin hansı şəkillərinin ictimaiyyətə açıqlanması ilə bağlı vasvasılıq etsə də, onun səhhətindəki ciddi problemləri gizlətməkdə çətinlik çəkir.

Putin 9 May - Qələbə Günündə Qırmızı Meydanda gəzərkən axsadığı diqqət çəkib. Üstəlik, həmin gün Moskvada hava nisbətən isti (9C) olsa da, o, paradı seyr edərkən qucağında nazik yorğan görünüb.



Aprelin 22-də müdafiə naziri Sergey Şoyqu ilə görüşərkən çəkdirdiyi fotolarda Putin oturduğu masanın kənarından yapışıb, sanki həyatı bundan asılıdır. Mütəxəssislər onun bu hərəkətini həm müvazinət problemi, həm də əllərinin titrəməsini gizlətmək istəyi ilə əlaqələndiriblər.

Mart ayında Rusiyanın paytaxtında müharibə tərəfdarlarının mitinqində çıxış edən Putin qısa pilləkənlə enərkən foto və videogörüntüsü çəkilib. Burada da onun sağ əlinin titrədiyi diqqətdən yayınmır.

Putin, Belarus lideri Aleksandr Lukaşenko ilə görüşdə də stuldan tutmaqla müvazinətini saxlayır.

Digər tərəfdən, Putinlə görüşən insanlar COVİD-19 üçün ciddi şəkildə sınaqdan keçirilməli idi.

Onu da diqqətə çatdıraq ki, lenfoma və ya miyelom kimi qan xərçəngləri plazma hüceyrələrinin xərçəngidir və geniş yayılmış sümük xəstəliyinə səbəb ola bilər. “New Lines” nəşrinə danışan Oksford Universitetinin endokrinologiya professoru Eşli Qrossman belə xəstəliklərin onurğa və bel nahiyəsinə təsir edə biləcəyini deyib.

Üstəlik, bu cür xəstəliklərin müalicəsinə üzün şişməsinə səbəb ola bilən steroidlər və saç tökülməsi ilə nəticələnən kimyaterapiya daxildir.



Putinin saç tökülməsindən əziyyət çəkdiyi məlum deyil, lakin miyeloma kimi digər qan xərçəngləri adətən kimyaterapiya tələb etmir. Bununla belə, miyelom onurğada sıxılmaya səbəb ola bilər. Bu növ xərçəngin müalicəsi xəstənin immun sistemini zəiflədir. Putinin COVİD-lə bağlı məsafələrə ehtiyatlı yanaşmasını da bununla izah etmək mümkündür.

Səhhəti ilə bağlı fərziyyələrə əlavə olaraq, Putin adətən meydançaya çıxdığı çərşənbə günü illik buz xokkey oyununu buraxıb. Rusiya lideri may ayında Rusiyanın Xokkey Liqası Milli Festivalı zamanı illik oyunda iştirak etməyib. 2012-ci ildən bəri ilk dəfədir ki, Rusiya prezidenti ikinci dəfə oyunu buraxıb.

Reyting.az




Bölməyə aid digər xəbərlər
{sape_links}{sape_article}