12:10 / 25-06-2022
Sabah yağışlı hava olacaq
Bağırbəylidə vəziyyət dözülməz həddə çatıb - Sakinlər kömək istəyir - Video
Tarix: 20-05-2022 09:17 | Bölmə: Slayd
Bağırbəylidə vəziyyət dözülməz həddə çatıb - Sakinlər kömək istəyir

Ucar rayonu Bağırbəyli kəndinin bir qrup sakini Azərbaycan Respublikasının Prezidentinə müraciət ünvanlayıb. Sakinlərin Reyting.az-a təqdim etdiyi müraciətə səbəb yol tikintisi zamanı üzləşdikləri laqeydlikdir.

Sakinlər yazır ki, Asiya İnkişaf Bankı Ucar rayonunun Alpı, Qulabənd və Bağırbəyli kəndlərində yol tikintisi üçün maliyyə ayırıb. Həmin layihəyə əsasən, Alpı və Qulabənd kəndlərinə asfalt çəkilsə də, Bağırbəyli kəndində yol tikinti işləri aparılmayıb. Sakinlərə Bağırbəyli kəndində yol tikintisinin 2022-ci ildə aparılacağı bildirilsə də, işlərə başlanmayıb.

Qulabənd, Alpı və Bağırbəyli kəndlərinin eyni bələdiyyənin ərazisi olduğunu qeyd edən sakinlər yazır ki, Bağırbəyli kəndinin əsas yolunun uzunluğu 2 km-dir. Amma Qulabənd və Alpı kəndləri ilə müqayisədə Bağırbəyli kəndinin yolu tam yararsızdır. Buna görə də yol tikintisi başlanmazdan əvvəl bunlar öyrənilməli, sonra yol çəkilməli idi.

Sakinlər daha sonra yazır: “Bağırbəyli kənd sakinləri yolun bərbad vəziyyətdə olmasından çox əziyyət çəkirlər. Ucar rayon rəhbərliyi nəzərə almalıydı ki, Bağırbəyli kəndinin yolu digər iki kəndin - Qulabənd və Alpı kəndlərinin yolundan daha bərbaddır”.

Vətən müharibəsində Təbriz Bəkirovu şəhid vermiş və xeyli sayda qazisi olan Bağırbəyli kəndində məktəb də yoxdur. Bu səbəbdən də şagirdlər 3 km aralıda yerləşən Alpı kənd orta məktəbində təhsil almağa məcburdurlar. Yolun bərbad vəziyyətdə olması isə şagirdlərə ciddi problemlər yaradır.

Sakinlər çıxılmaz vəziyyətdə qaldıqlarını bildirirlər. Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov isə onların müraciətlərinə məhəl qoymur. Bağırbəyli sakinləri müraciətlərində Saleh Məmmədova sual verirlər: Asiya İnkişaf Bankının Bağırbəyli kəndində yol tikintisi üçün ayırdığı vəsaiti hara xərcləmisiniz?

Sakinlər Azərbaycan prezidentindən xahiş edirlər ki, yolun bərbad vəziyyətdə olmasını nəzərə alıb Bağırbəyli kəndinə yol çəkliməsi üçün müvafiq tapşırıqlar versin.



Qeyd edək ki, müraciəti Bağırbəyli kəndinin 51 sakini imzalayıb:

1. Bəkirov Ehdibar Akif oğlu (Şəhid atası)

2. Mahmudov Ənvər Soltan oğlu

3. Məmmədova Vüsalə Qorxmaz qızı

4. Məlikova Yaqut Məlik qızı

5. Mahmudova Mahizər Ağaverdi qızı

6. Mahmudov Mehman Soltan oğlu

7. Mahmudov Pənah Mehman oğlu (müharibə iştirakçısı)

8. Mahmudova Məryəm Məmmədalı qızı

9. Abbasov Elvin Şəmsəddin oğlu (müharibə iştirakçısı)

10. Bəkirov Alim Akif oğlu

11. Şıxəliyev Bəşir Qnyaz oğlu

12. Rəhimova Lalə Akif qızı

13. Şıxəliyev Elçin İnqilab oğlu

14. Şıxəliyeva Yeganə Yəhya qızı

15. Şıxəliyev İnqilab Elçin oğlu

16. Şıxəliyev Paşa Həmid oğlu

17. Şıxəliyev Orxan Paşa oğlu (müharibə iştirakçısı)

18. Şıxəliyev Həmid Paşa oğlu

19. Cəbrayılov Faxrət Alıhüseyn oğlu

20. Cəbrayılov Vüqar Faxrət oğlu

21. Cəbrayılova Bənövşə Ehdibar qızı

22. Cəbrayılova Gülayət Rüstəm qızı

23. Mahmudova İradə Məhəmməd qızı

24. Mahmudov Oruc Elxan oğlu (müharibə iştirakçısı)

25. Mahmudov Elxan Soltan oğlu

26. Heydərov Bəxtiyar Sədyar oğlu

27. Heydərova Tacnurə Məsim qızı

28. Məlikova Afət Məlik qızı

29. Heydərov Süleyman Bəxtiyar oğlu

30. Quliyev Telman İnqilab oğlu

31. Həşimova Afaq İslam qızı

32. Quluzadə Qadir Qabil oğlu (müharibə iştirakçısı)

33. Quliyev Qabil İnqilab oğlu

34. Həşimova Şovkət İslam qızı

35. Heydərov Aqil Sədyar oğlu

36. Heydərova Aygün Rasim qızı

37. Bəkirova Aliyə Mayıl qızı (Şəhid anası)

38. Bəkirov Ədalət Akif oğlu

39. Bəkirova Kübra Səməd qızı

40. Babayev İlyaz Baba oğlu

41. Babayev Nurlan İlyas oğlu (müharibə iştirakçısı)

42. Babayeva Gülbahar Fəzi qızı

43. Hüseynov Seymur Qnyaz oğlu

44. Hüseynova Mətanət Sehri qızı

45. Hüseynov Cavid Seymur oğlu

46. Zülfüqarov Tofiq Tarif oğlu

47. Zülfüqarova Tünzalə Dursunəli qızı

48. Məmmədov İbrahimxəlil Atakişi oğlu

49. Məmmədova Elnarə Bahadur qızı

50. Mahmudov Mənsur Bahiyyəddin oğlu

51. Mahmudova Samirə Osman qızı.





Bölməyə aid digər xəbərlər
{sape_links}{sape_article}