17:38 / 28-03-2024
Əməkdar artist vəfat edib
Səfər Mehdiyev sözünə əməl edib, istefa verəcəkmi?
Tarix: 23-06-2022 16:32 | Bölmə: Slayd
Səfər Mehdiyev sözünə əməl edib, istefa verəcəkmi?
Səfər Mehdiyev

“Gömrük Komitəsi uzun illər Kəmaləddin Heydərovun nəzarətində olub, orada da kadrların çoxu onun şəxsi təşəbbüsü ilə yerləşdirilib və idarə edilib. Yəni bir çox hallarda Dövlət Gömrük Komitəsi sədrlərinin o kadrlara rəhbərliyi formal olub. Bu baxımdan, komitə sədri Səfər Mehdiyev özünün təyin etdiyi və nəzarətindəki işçilərə görə istefa verə bilər”.

Reyting.az
xəbər verir ki, bu sözləri Azərbaycan Demokrat Partiyasının (ADP) sədri Sərdar Cəlaloğlu “Yeni Sabah”a gömrük general-mayoru Ehtiram Xəlilovun həbsindən danışarkən bildirib.

Səfər Mehdiyevin bir zamanlar “Gömrükdə rüşvət olsa, istefa verəcəyəm”,- açıqlamasına da münasibətini ifadə edən ADP sədri deyib ki, ola bilsin, komitə sədri bunu deyərkən bilavasitə özünün rəhbərliyi altında olan işçilərin fəaliyyətini nəzərdə tutub.

Sərdar Cəlaloğlu qeyd edib ki, əgər hər hansı bir general Səfər Mehdiyevin tabeliyindədirsə, lakin faktiki olaraq Kəmaləddin Heydərova bağlıdırsa, onun əməlinə görə Səfər Mehdiyev niyə istefa verməlidir?! “Yox, əgər doğrudan da o işçilər Səfər Mehdiyevə tabedirlərsə, buna görə bəli, o, cəzalandırılacaq. Çünki bundan əvvəl də bu cür əməliyyatlar aparıldı, amma Səfərə “gözünün üstündə qaşın var”,- deyən olmadı. Ona görə ki, o adamlar başqa qüvvələr tərəfindən idarə olunurdu”.


Sərdar Cəlaloğlu

Azərbaycanda istefa mədəniyyətinə gəlincə, S. Cəlaloğlu əlavə edib ki, Azərbaycanda dövlət orqanlarında elə yüksək səviyyəli insanlar təmsil olunmalıdır ki, onların istefa ərizəsi və istəyi hakimiyyəti narahat etsin. Onun sözlərinə görə, indi adamlar vəzifəyə getmək üçün 50 cür oyundan çıxır: “Biri arvadını boşayır, gedib başqası ilə evlənir, digəri rüşvət verir, onu edir, bunu edir və s. Bax, ona görə də Azərbaycanda istefa mədəniyyəti yoxdur. Bir daha qeyd edirəm ki, dövlətin ehtiyacı olan kadrlar hakimiyyətdə yoxdurlar ki, onlar istefa verəndə dövlət narahat olsun. Bu, istefa mədəniyyəti yalnız kadrların dövlət hakimiyyətində iştirakının əhəmiyyətliliyi ilə bağlıdır”.

S. Cəlaloğlunun fikrincə, indi elə bir məmur yoxdur ki, onun dövlət hakimiyyətində iştirak edib-etməməsi məsələyə hansısa formada təsir etsin. Bu səbəbdən də Azərbaycanda istefa mədəniyyəti formalaşmayıb.




Bölməyə aid digər xəbərlər
{sape_links}{sape_article}