12:45 / 08-08-2022
Sabah yağış yağacaq
00:11 / 08-08-2022
Bu gün Aşuradır
Ağdərə-Kəlbəcər yolu tezliklə Azərbaycanın nəzarətinə keçəcək - Professor
Tarix: 05-08-2022 19:07 | Bölmə: Slayd
Ağdərə-Kəlbəcər yolu tezliklə Azərbaycanın nəzarətinə keçəcək

“Azərbaycan hər fürsətdə silahlı erməni birləşmələrini Qarabağdan çıxarmaq üçün səylərini artıracaq. Əlbəttə, imkan olsaydı bunu 44 günlük müharibədə edərdik. Təəssüflər olsun ki, həmin vaxt beynəlxalq konyuktura buna imkan vermədi. Biz məcburi şəkildə dayandıq, amma son məqsədə çatmağa davam edirik".

Bu sözləri Reyting.az-a professor Fərhad Mehdiyev Qarabağ və ətraf rayonlarda baş verən son hadisələrdən danışarkən deyib.

F. Mehdiyevin proqnozuna görə, hazırki vəziyyət hələ bir müddət davam edəcək. Yəni hərbi əməliyyatlar bəzən təkrarlanacaq, amma eyni sıxlıqla olmaya, dəyişə də bilər.

Professor əlavə edib ki, münaqişəyə təsir göstərən tərəflərlə bağlı dəyişmə baş verib: "Konkret olaraq Rusiyadan bəhs edirəm. Onun Ukraynadakı vəziyyəti ortadadır. Üstəlik, üçtərəfli bəyannamənin müddəalarına əməl edilmir. Bu da onu göstərir ki, hərbi əməliyyatlar davam edəcək. Sadəcə, intensivlik eyni olmayacaq".


Fərhad Mehdiyev

F. Mehdiyev ehtimal edir ki, ermənilər indi durduğu siyasi mövqedən çəkilməyəcək. O, buna səbəb kimi Rusiyanın erməniləri müəyyən qədər dəstəkləməsini göstərir. Amma getdikcə ermənilərin Qarabağdakı hərbi varlığının azalacağını bildirir. Professor Azərbaycanın son əməliyyatını da buna səbəb olan hərbi gediş hesab edir.

F. Mehdiyevin fikrincə, yaxın günlərdə Ağdərə-Kəlbəcər yolu Azərbaycan Ordusunun nəzarətinə keçə bilər. Çünki qış aylarında Kəlbəcərin təhlükəsizliyini təmin etmək çətinləşəcək. İndi çəkilən yol isə qışda bağlana, gediş-gəliş çətinləşə bilər. Ora getmək üçün nisbətən münasib yol olmalıdır və indiki halda bu yol Ağdərədən keçir. Bu yolun Azərbaycanın nəzarətinə keçməsi labuddür. F. Mehdiyev düşünür ki, bu, gec-tez baş verəcək.

Professor əlavə edib ki, ermənilər, Laçın şəhəri də daxil olmaqla, dəhlizdən çıxacaq: "Əslində bu proses başlayıb. Ermənilər alternativ yola keçəcəklər. Onlar elan edib ki, artıq öz hissələrində yolun çəkilişinə başlayıblar. Onlara müəyyən qədər vaxt lazımdır. Alternativ yola keçəcək və dəhlizi boşaldacaqlar”.

Professor sonda diqqətə çatdırıb ki, hazırda dəhlizin eni 5 kilometrdir. Amma yeni dəhlizin eni 5 kilometr olmayacaq.

Reyting.az




Bölməyə aid digər xəbərlər
{sape_links}{sape_article}