“Avqustun sonuna qədər Laçın şəhəri, dəhliz, Sus və Zabux kəndləri boşaldılmalıdır” - Deputat
Tarix: 06-08-2022 19:17 | Bölmə: Slayd
“Avqustun sonuna qədər Laçın şəhəri, dəhliz, Sus və Zabux kəndləri boşaldılmalıdır”

"Ermənilər avqust ayının sonuna qədər Laçın şəhərini, eyni adlı dəhlizi, eləcə də Zabux və Sus kəndlərini tərk etməlidir. Onlar indiyə qədər bu ərazilərdən çıxmaq istəmirdilər. Amma onları buna məcbur etdik və istəyimizə nail olduq. Bu məsələni Rusiyanın bölgədəki sülhməramlıları da qəti tələb kimi ermənilərin qarşısına qoyur. Deyirlər ki, ya öz xoşunuzla çıxın, ya da nəticələrə görə özünüz məsuliyyət daşıyırsınız. Ermənilər də papaqlarını qarşılarına qoyub yaxşı düşünməlidirlər. Əks halda nəticə onlar üçün xoş olmayacaq".

Bu sözləri Reyting.az-a Milli Məclisin deputatı Rasim Musabəyov deyib.

Rasim Musabəyov diqqətə çatdırıb ki, hazırda Avropa İttifaqının rəhbəri Şarl Mişel də daxil olmaqla bir sıra vasitəçilərin fəallığı müşahidə edilir: "İndi tərəflərin iştirakı ilə yüksək səviyyəli yeni görüş təşkil etmək istəyirlər. Ehtimal edirəm ki, bu görüşə qədər gərginlik artmayacaq. Amma bütün hallarda Laçın şəhəri və eyni adlı dəhliz də daxil olmaqla, bəzi ərazilər boşaldılmalıdır".


Rasim Musabəyov

R. Musabəyov qeyd edib ki, Ermənistan tərəfi Laçın dəhlizinə alternativ yolun öz hissəsində aparılan işlərin yazda yekunlaşacağını bildirir: "Bu, artıq Ermənistanın problemidir. Əslində orada yol var. Sadəcə, kənd yoludur. Zəhmət çəkib vaxtında hərəkət edər, bu yolun onlar tərəfində olan hissəni sazlayardılar. Söhbət ondan gedir ki, bəlkə də, köhnə yolla ermənilər gediş-gəliş üçün istifadə edə biləcəklər. Amma bizə vacibdir ki, Laçın şəhəri, Zabux və Sus kəndləri boşaldılsın. Bu işi ermənilər həyata keçirməlidir. Amma öz yolları hazır olmadığı üçün Azərbaycan tərəfi bəlkə də müvəqqəti olaraq indiki yoldan istifadəyə razılıq verəcək. Ancaq Laçın, Zabux və Sus kəndləri avqustun sonuna qədər boşaldılmalıdır. Başqa yol yoxdur, boşaltmalısan. Yolun yoxdursa, Azərbaycandan nəyisə rica edə bilərsən".

Deputat əlavə edib ki, Azərbaycan Ordusunun addımları tam qanunauyğundur: "Onlar yolu boşaltmaq istəməyəndə qarşılarında Azərbaycan Ordusunu görəcəklər. Burada ən vacibi odur ki, razılaşmalar həyata keçirilsin".

Reyting.az




Bölməyə aid digər xəbərlər
21-09-2022, 15:10 Putinə təzyiqlər artır

{sape_links}{sape_article}