Türkiyə iki ölkədəki terrorçulara qarşı hərbi əməliyyata başlayıb: 89 hədəf məhv edilib - (Yenilənib) - Foto
Tarix: 20-11-2022 09:08 | Bölmə: Slayd
Türkiyə iki ölkədəki terrorçulara qarşı hərbi əməliyyata başlayıb: 89 hədəf məhv edilib - (Yenilənib)

Türkiyə Silahlı Qüvvələri bu gecə Suriya və İraqda terrorçulara qarşı hərbi əməliyyata başlayıb.

Reyting.az
xəbər verir ki, bu barədə Türkiyənin Milli Müdafiə Nazirliyi məlumat yayıb.

Məlumata görə, terrorçuların hərbi bazalarına qarşı qisas əməliyyatı zamanı onların mövqeləri nöqtəvi zərbələrlə məhv edilir.

Hava əməliyyatları PKK, KCK və YPG terrorçularının Türkiyəyə qarşı hücumlar hazırladığı İraq və Suriyanın şimal ərazilərində, BMT Nizamnaməsinin 51-ci maddəsinə uyğun keçirilir.

Türkiyə KİV-ləri Milli Müdafiə Nazirliyinə istinadla bildirir ki, əməliyyata 50 təyyarə və 20 PUA cəlb edilib.

Yerüstü əməliyyatların başlayacağı da istisna olunmur.

***

Türkiyə Hərbi Hava Qüvvələrinin ötən gecə həyata keçirdiyi “Pençe-Kılıç” əməliyyatı nəticəsində 89 hədəf və çoxlu sayda terrorçu məhv edilib.

Bu barədə Türkiyə Milli Müdafiə Nazirliyi məlumat yayıb.

Bildirilir ki, İraqın şimalında Qəndil, Asos, Suriyanın şimalında Ərəb Pınarı, Tel-Rifat, Cizrə və Derrik bölgələrində PKK/KCK/YPG terrorçularına zərbələr endirilib.

Zərərsizləşdirilən terrorçular arasında terror təşkilatının liderləri də var.



Reyting.az




Bölməyə aid digər xəbərlər
{sape_links}{sape_article}