ABŞ-dakı “peyğəmbər”: 50-dən çox qadınla yaşayıb, həyat yoldaşları arasında 9 yaşı olanı da var
Tarix: 05-12-2022 12:16 | Bölmə: Slayd
ABŞ-dakı “peyğəmbər”: 50-dən çox qadınla yaşayıb, həyat yoldaşları arasında 9 yaşı olanı da var

ABŞ Federal Təhqiqatlar Bürosunun (FTB) bəyanatı geniş müzakirəyə səbəb olub. Bəyanatda “yalançı peyğəmbər”, 46 yaşlı Samuel Rappyle Batemandan həbs edilir və ona qarşı ciddi ittihamlar irəli sürülür. Federal prokurorlar sentyabr ayında keçirilən əməliyyatla bağlı bildiriblər ki, “peyğəmbər”in qurbanlarından biri 9 yaşındadır.

Reyting.az
xəbər verir ki, dəhşətli hadisə ABŞ-ın Arizona ştatında baş verib.

İctimaiyyətin “Mormon peyğəmbəri” və “yalançı peyğəmbər” kimi tanıdığı Bateman FTB-nin keçirdiyi əməliyyat nəticəsində həbs edilib.



FTB agentlər sentyabrın 13-də Arizona ştatının Kolorado Siti şəhərində Batemanın evinə basqın edərkən orada 18 yaşından kiçik qızlarla rastlaşıb.

FTB-nin hesabatına görə, 46 yaşlı Samuel Rappyle Bateman 9 yaşından kiçik 20-yə qədər qadın və qızla evlənməkdə ittiham olunur.

“New York Post” qəzeti yazır ki, Bateman azyaşlıları tualet üçün divan və vedrə olan qoşquda yaşamağa məcbur edib.

Britaniyanın “Daily Mail” qəzeti isə böyük sərvəti olan yalançı peyğəmbərin iki bahalı avtomobilindən yazıb.



Şahid ifadələrinə istinad edən FTB agenti Davn Martin bildirir ki, 2019-cu ildə Bateman “özünü peyğəmbər elan edib” və həmin il öz yeniyetmə qızı ilə evlənmək niyyətini açıqlayıb.

Hesabatda qeyd olunur ki, Batemanın təxminən 50 qadını var. Onların əksəriyyəti azyaşlı və 15 yaşından kiçik olub. Son vaxtlar 20-dən çox qadınla yaşayırmış.

Agent Martin əlavə edib ki, yalançı peyğəmbərin həyat yoldaşı kimi tanıdığı xanımların ən kiçiyi 2011-ci il təvəllüdlüdür. O, diqqətə çatdırıb ki, bu qız “peyğəmbərlə” evlənən zaman 9 yaşı olub.

Digər tərəfdən, polis qeydlərində 11-14 yaşlarında üç qızın sözügedən qadınlar qrupundan xilas edildiyinə dair məlumatlar var.



Federal prokurorlar deyirlər ki, yalançı peyğəmbər tutulduqdan sonra ardıcıllarına “bütün mesajları silməyi” tapşırıb.

Bateman radikal Mormon qolu olan FLDS-in parçalanmış qrupuna rəhbərlik edib. 46 yaşlı kişi cinsi təcavüz və insan alveri kimi bir sıra cinayətlərdə ittiham olunur. Saxta peyğəmbər ABŞ-ın Flaqstaffdakı Magistrates Məhkəməsindəki çıxışında özünü təqsirli bilmədiyini deyib.

Reyting.az




Bölməyə aid digər xəbərlər
{sape_links}{sape_article}